ស្លាប់ហើយៗ ហ្វេនអើយហ្វេន! ថតរូបឡើងស្អិតរមួត តែ យូប៊ីន បែរនិយាយបែបនេះ ដាក់ វ៉ៃ ហាំង

រាជធានីភ្នំពេញ ៖ ក្រោយពេល ចាប់គូសម្តែងជាតួឯកជាមួយគ្នា បានច្រើនរឿងគួរសមហើយនោះ ហ្វេនៗរបស់ តារាសម្តែងស្រី ស៊ីន យូប៊ីន និងតារាសម្តែងប្រុស​ ខាត់ វ៉ៃហាំង ចាប់ផ្តើមចាប់គូ អ្នកទាំងពីរឲ្យក្លាយជា ដៃគូពិតប្រាកដ ដោយសារតែ ឃើញសម្តែងជាតួស្រីតួប្រុសសមនឹងគ្នាពេក។

តែចាប់តាំងពី មានអ្នកគាំទ្រចាប់គូគ្នា ជារឿយៗមក អ្នកទាំងពីរ​ ក៏ចាប់ផ្តើមកាន់តែសម្តែងភាពស្និទស្នាល នឹងគ្នាខ្លាំងឡើងថែមទៀត រហូតធ្វើឲ្យហ្វេនៗ កាន់តែជ្រួលច្របល់ ព្រោះតែមើលទៅ អ្នកទាំងពីរ ស្ទើរតែដូចនឹងគូស្នេហ៍ក្រៅឆាកទៅហើយ។

ផ្ទុយទៅវិញ រហូតមកដល់ពេលនេះទៅហើយ អ្នកទាំងពីរ ក៏មិនបានបញ្ជាក់ពី​ ទំនាក់ទំនងរបស់ខ្លួន ឲ្យបានពិតប្រាកដជាក់លាក់ ណាមួយឡើយ ថាសព្វថ្ងៃនេះ ត្រឹមជាមិត្ត ឫដៃគូ? តែថ្មីៗនេះ ហ្វេនៗនាំគ្នាចំហមាត់ បើកភ្នែកធំ ក្រោយឃើញ យូប៊ីន បង្ហោះរូបភាពផ្អែមល្អែម ស្អិតរមួតជាមួយ វៃ៉ហាំង ប៉ុន្តែ សរសេរសារជាភាសាអង់គ្លេស "Just Friends" ដែលមានន័យជាថា «ត្រឹមជាមិត្តភក្តិ»៕ 

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖