ទម្លាយខ្ទេច Han Seungyeon ប្រាប់ច្បាស់ៗពីភាពខុសគ្នាពេលជាតារាចម្រៀង និងតារាសម្តែង

September 2, 2021

កូរ៉េខាងត្បូង ៖ នៅថ្ងៃទី ២ ខែកញ្ញានេះ Seungyeon បានអង្គុយសំភាសន៍ ជាមួយបណ្តាញសារព័ត៌មានផ្តាច់មុខមួយ នៅមុនពេលការចាក់បញ្ចាំងខ្សែភាពយន្តថ្មីរបស់នាង ដែលមានចំណងជើង ថា “Show Me The Ghost” ក្នុងនោះ 'Show Me The Ghost' គឺជាខ្សែភាពយន្តបែបកំប្លែង និងភ័យរន្ធត់។

ក្នុងពេលសម្ភាសន៍ Seungyeon បានបង្ហាញថា នាងមានសុខភាពល្អទាំងរាងកាយ និងផ្លូវចិត្តបន្ទាប់ពីនាងបានចាប់ផ្តើមសកម្មភាពជាតារាសម្តែងពេញម៉ោងមក នាងបាននិយាយថា ៖

នៅពេលខ្ញុំសកម្មក្នុងនាមជាអ្នកចម្រៀង ខ្ញុំផ្តោតតែលើទម្ងន់ ខ្ញុំមិនញ៉ាំអ្វីទេ ហើយខ្ញុំគ្រាន់តែហ្វឹកហាត់ដោយមិនបានគេង ពេលខ្ញុំឈឺទើបទទួលបាន IV ខ្ញុំពិតជារស់នៅក្នុងជីវិតនោះ ហើយចាប់ផ្តើមគិតដល់ការសម្តែងនៅលើឆាក ប៉ុន្តែខ្ញុំគិតថាវាផ្ទុយពីការសម្តែង ខ្ញុំចាប់ផ្តើមគិតច្រើនថា តើខ្ញុំអស់កម្លាំងផ្លូវចិត្ត ឬថាតើខ្ញុំនិយាយកុហកខ្លួនឯងថា ខ្ញុំមានអារម្មណ៍បែបណា។ក្នុងកំឡុងពេលការផ្សព្វផ្សាយ របស់ KARA សម្រាប់បទចម្រៀងចុងក្រោយ របស់យើង គឺ “Mamma Mia” ទម្ងន់របស់ខ្ញុំធ្លាក់ចុះយ៉ាងខ្លាំង តែគ្រប់គ្នាបែជានិយាយថាខ្ញុំស្អាតទៅវិញ វាធ្វើឲ្យខ្ញុំច្របូកច្រនល់ ពេលនោះរាងកាយខ្ញុំមើលទៅស្អាត ប៉ុន្តែភាពអាឡែរហ្សីរបស់ខ្ញុំ កាន់តែធ្ងន់ធ្ងរ ស្បែកខ្ញុំប្រែជាអាក្រក់ ហើយសុខភាពខ្ញុំធ្លាក់ចុះ ខ្ញុំក៏មានបញ្ហាសរសៃ ស្ត្រេសផងដែរ តែសព្វថ្ងៃនេះ អ្វីៗស្ទើរតែទាំងអស់ញគឺមិនអីទេ។ និយាយឱ្យត្រង់ទៅ ពេលខ្ញុំជាតារាសម្តែង ខ្ញុំពិតជាមិនសម្តែងជាតួស្អាតទេ ដូច្នេះខ្ញុំពាក់សំលៀកបំពាក់ស្រួលពាក់ ស្បែកជើងងាយៗ និងពិតជាមានសុខភាពល្អពេលសម្តែង ខ្ញុំអាចមានអារម្មណ៍ថា ខ្ញុំពិតជាបានធូរស្បើយច្រើនហើយ។
— Seungyeon

គួរបញ្ជាក់ផងដែរថា 'Show Me TheGhost' នឹងត្រូវចាក់បញ្ចាំង នៅរោងភាពយន្តនៅថ្ងៃទី ៩ ខែកញ្ញា ខាងមុខនេះ៕

សូមទស្សនារូបភាពខាងក្រោម ៖

ប្រភព : Allkpop

ទាក់ទងជាមួយ:

តារាកូរ៉េ

អានបន្ថែម