កម្សាន្ត៖ ដូចដែលប្រិយមិត្តបានដឹងស្រាប់ហើយថា ការទទួលមរណភាពរបស់ តារាសម្ដែងស្រី Tangmo បានធ្វើឲ្យមិត្តរួមសិល្បៈ និងមហាជនជាច្រើនមានការសោកសង្វេគ។ ជាពិសេស គេសង្កេតឃើញតារាសម្ដែង Pinky ដែលជាមិត្តជិតស្និទ្ធរបស់ Tangmo បង្ហាញការសោកស្ដាយជាខ្លាំង។
បើងាកទៅមើលពីប្រវត្តិរបស់ Tangmo និង Pinky មិនសូវខុសគ្នាទេ ដោយអ្នកទាំងពីរសុទ្ធតែធ្លាប់ឆ្លងកាត់រឿងរ៉ាវអាស្រូវនៅក្នុងជីវិតដូចគ្នា។ តាមប្រភពបានឲ្យដឹងថា តារាស្រីទាំងពីរនាក់នេះ គឺជាមិត្តតាំងពីក្មេងៗ ដោយរៀនថ្នាក់ជាមួយគ្នា ហើយក៏ជាមិត្តដែលតែងតែនៅក្បែរគ្នា។
កាលពីក្មេង ឲ្យតែអ្នកទាំងពីរ បណ្ដើរគ្នាទៅរៀន គ្រប់គ្នាចោមរោមមើលមិនដាក់ភ្នែក ព្រោះថាជាស្រីស្អាតប្រចាំថ្នាក់ហើយថែមទាំងប្រចាំសាលាទៀតផង។ មិនតែប៉ុណ្ណោះ Tangmo ធ្លាប់ផ្ដល់បទសម្ភាសន៍ថា Pinky ជាមនុស្សអច្ឆរយៈណាស់ មិនសូវបានមករៀនទេ តែប្រលងបានលេខ១រហូត។
ចំណែកឯ ពេលចូលសិល្បៈវិញ ពួកគេធ្លាប់សម្ដែងរឿងរួមគ្នាបាន៣រឿង តែគួរអោយស្ដាយ ពួកគេត្រូវបានខាងស្ថានីយ៍បញ្ចប់កុងត្រាភ្លាមៗទាំងពីរនាក់ ដោយសារសំបូររឿងរ៉ាវអាស្រូវពេក។ រីឯ អ្នកដែលធ្លាប់តាមដានរឿងភាគកាលជំនាន់មិនទាន់សំបូរបែបខាង Internet ប្រាកដជាដឹងហើយថារឿងដែលពួកគេសម្ដែងពេលចាក់ផ្សាយម្ដងៗ គឺទទួលបានការគាំទ្រណាស់ ពិសេសខាងប៉ុស្តិ៍ទូរទស្សន៍កើន rating ជាលំដាប់។
ហេតុនេះហើយ ទើបមិត្តភាពពួកគេរឹងមាំណាស់ ថ្ងៃដែល Tangmo ខ្លួនភ្លាមៗ Pinky បន់ស្រន់សូមអោយព្រះតាមថែរក្សាមិត្តនាងផង តែយ៉ាងណាជីវិត Tangmo គឺអស់ត្រឹមនេះបាត់ទៅហើយ ខ្លួនមានតែជូនពរអោយមិត្តសំណព្វចិត្តទទួលបានសុគតិភពនៅជាតិថ្មី ហើយសូមអោយបានយុត្តធម៌ពិតលើមិត្តរបស់នាង៕
ប្រភព៖ Thai Drama Zone