ការពិត Park So Dam បានសម្តែងរឿង Parasite ដែលទទួលបានពានរង្វាន់ ដោយសារ...

November 25, 2021

កូរ៉េខាងត្បូង ៖ នៅក្នុងវគ្គថ្មីរបស់ប៉ុស្តិ៍ MBC ក្នុងកម្មវិធីកម្សាន្ត «Radio Star» Park So Dam បានបង្ហាញខ្លួនជាភ្ញៀវពិសេស ជាមួយតារាសម្តែង Kim Young Ok តារាចម្រៀង trot គឺ Jung Dong Won និង Solar សមាជិកក្រុម MAMAMOO ផងដែរ។

ទន្ទឹមនឹងនេះ Park So Dam ក៏បានបង្ហើបថា នាងបានថតសម្រាប់តួឯកក្នុងរឿង «Parasite» ដោយមិនមានការតុបតែងមុខអ្វីទាំងអស់ និងអាចដើរតួជាប្អូនស្រីរបស់ Choi Woo Sik ដែលជាតួរឯកក្នុងរឿងនេះផងដែរ។

Park So Dam បានពន្យល់ថា ៖

អ្នកដឹកនាំរឿង Bong បាននិយាយថា គាត់ចង់ឲ្យ Choi Woo Sik និងខ្ញុំសម្តែងជាបងប្អូនបង្កើត ដូច្នេះគាត់បានប្រាប់ខ្ញុំឱ្យមក audition ដោយគ្មានការតុបតែងមុខ តាមពិតទៅទាំង Choi Woo Sik និងខ្ញុំមើលទៅដូចធម្មជាតិ បើទោះជាគ្មានការកក់សក់របស់ពួកយើង ហើយអ្នកដឹកនាំរឿង Bong សប្បាយចិត្ត និងពេញចិត្តណាស់ ខ្ញុំមិនបានដឹងថាយើងមើលទៅដូចគ្នាប៉ុន្មានទេ ប៉ុន្តែយើងដឹងថាយើងមើលទៅដូចគ្នា បន្ទាប់ពីបានឃើញរូបថតនៅពេលបន្ទាប់។
— Park So Dam

Park So Dam និង Choi Woo Sik — Park So Dam និង Choi Woo Sik

មិនតែប៉ុណ្ណោះ Park So Dam ក៏បានរៀបរាប់យ៉ាងលម្អិតថា ៖

ខ្ញុំត្រូវតែអរគុណដល់ Choi Woo Sik ពេញមួយជីវិតរបស់ខ្ញុំ ដោយសារតែគាត់ត្រូវបានជ្រើសឲ្យសម្តែងក្នុងរឿងនេះដំបូង ហើយខ្ញុំត្រូវបានសម្តែងដោយសារតែខ្ញុំមើលទៅដូចគាត់ អរគុណគាត់ដែលខ្ញុំអាចបង្ហាញខ្លួនក្នុងរឿង «Parasite»៕
— Park So Dam

ប្រភព : Allkpop

ទាក់ទងជាមួយ:

តារាកូរ៉េ

អានបន្ថែម