សាន់ឆាយ ហ៊ានចំណាយច្រើន ដើម្បីជួយការងារស្វាមី

តៃវ៉ាន់៖ ថ្មីៗនេះ យោងតាមប្រព័ន្ធផ្សព្វផ្សាយដ៏ល្បីមួយ ស្រាប់តែបានបង្ហើបថា តារាស្រី Barbie Hsu បានបណ្តាក់ទុនចំនួន ២០ លានដុល្លារតៃវ៉ាន់ (ប្រហែលជាង ៦០ម៉ឺនដុល្លារ) នៅក្នុងក្លឹបរាត្រីដ៏ល្បីល្បាញមួយ ក្នុងទីក្រុងតៃប៉ិ ក្នុងឈ្មោះស្វាមីរបស់នាង លោក DJ Koo ។

ចំពោះការវិនិយោគនេះ បានធ្វើឲ្យ លោក DJ Koo ក្លាយជាម្ចាស់ភាគហ៊ុន ក៏ដូចជា ឌីជេនៅទីនោះដោយស្វ័យប្រវត្តិ ជាពិសេស គឺដើម្បី​ជួយឲ្យ​ស្វាមី​របស់នាង មាន​ការងារ​ស្ថិរភាព​ ទៀតផង។

មិនត្រឹមតែប៉ុណ្ណោះ តាមប្រភពមួយនេះ បានលើកឡើងពី លោក DJ Koo ដែលធ្លាប់បង្ហើបថា បន្ទាប់ពីរៀបការជាមួយនឹង Barbie Hsu រួច លោកនឹងចាប់ផ្តើមបង្កើតអាជីពជា DJ អន្តរជាតិនៅក្លឹបរាត្រីដ៏ល្បីល្បាញមួយក្នុងទីក្រុងតៃប៉ិ ដែលបច្ចុប្បន្ននេះ ក្លឹបរាត្រីដ៏ល្បីដែល តារាប្រុសរូបនេះ កំពុងធ្វើការ បានលក់សំបុត្រចូលក្នុងតម្លៃ ៣០០០០ យន់ (ប្រហែលជាង ៤ពាន់ដុល្លារ)។

លើសពីនេះ នៅក្នុងនោះថែមទាំងបង្ហាញថា អាជីព​របស់ លោក DJ Koo កំពុង​រីក​ចម្រើន​ ចាប់​តាំង​ពី​បាន​រៀបការ​ជាមួយ​តារា​សម្ដែង Barbie Hsu ផងដែរ៕ 

ប្រភព៖ Ngoisao.vn

សូមទស្សនារូបភាពខាងក្រោម៖