មិនគួរឲ្យជឿ Nawat ហ៊ានធានាធ្វើរឿងនេះឲ្យបវរកញ្ញា ពេជ្រ វត្តីសារ៉ាវឌ្ឍី

កម្សាន្ត ៖ កាលពីប៉ុន្មានថ្ងៃមុននេះ ក្នុងStoryលើគណនីInstagramរបស់កញ្ញា ពេជ្រ វត្តីសារ៉ាវឌ្ឍី បានបង្ហោះវីដេអូខ្លីមួយ និយាយរឿងច្រលំវ៉ាលី ដែលរៀបចំផ្ញើទៅខ្មែរ ច្រលំយកទៅទាំងវ៉ាលីខោអាវថ្មីនិងខោអាវប្រឡាក់ នៅជាប់ខ្លួនតែឈុតចាស់ៗនិងគ្រឿងបន្ទាប់បន្សំ។

យ៉ាងណាមិញ យោងតាមទំព័រហ្វេសប៊ុក Beauty Peageant Reviewer ប្រាប់ឲ្យដឹងថា ពេលទៅប្រទេសថៃ កញ្ញា វត្តី​ បានសុំលោក Nawat ចូលខ្មែរយកសំលៀកបំពាក់សិន ចាំទៅថៃតាមក្រោយ ព្រោះផ្ញេីរវ៉ាលីមកច្រលំសល់តែខោអាវចាស់ៗ ជាមួយគ្នានេះ លោក Nawat បានប្រាប់វិញថា មិនបាច់ទៅយកទេនឹងរៀបចំ​ឈុតថ្មីឲ្យទាំងអស់ ហេីយសំបុត្រយន្តហោះអីទាំងប៉ុន្មានបោះចោលទៅ ចាំទៅជាមួយគាត់ គាត់រៀបចំគ្រប់យ៉ាង។

គ្រាន់តែបានដឹងហើយ ហ្វេនៗនៅកម្ពុជានាំគ្នារំភើបចិត្តជំនួស កញ្ញា វត្តី ឆ្នាំនេះប្លែកពីរាល់ឆ្នាំ លោកNawat ពិតជាស្រឡាញ់បវរកញ្ញាតំណាងកម្ពុជាខ្លាំង លួចសរសើរក្នុងការLiveពេញៗមាត់ មិនតែប៉ុណ្ណោះ ថ្មីៗនេះ រូបលោកនិយាយក្នុងការLiveថា ពេលកញ្ញា វត្តីមកខ្មែរវិញ ត្រៀមម៉ៅយន្តហោះ រួចនឹងជូនវត្តីមកខ្មែរដោយខ្លួនឯងថែមទៀតផង ជាងនេះទៅទៀត ល្បីថាកញ្ញា វត្តី ពេលនេះក៏មានហ្វេនៗថៃចាំគាំទ្រមិនតិចឡើយ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖