សម្ដែងតួ.ក្បត់យូរហើយ Seol In Ah ទើបនឹងត្រូវមហាជនចាប់អារម្មណ៍

កម្សាន្ត៖ បើប្រិយមិត្តជាអ្នកនិយមតាមដាន រឿងភាគកូរ៉េ ប្រហែលជាបានស្គាល់ Seol In Ah ដែលជាតួអង្គស្រីរងនៅក្នុងរឿង Business Proposal។​ ទន្ទឹមនឹងនោះ តារាស្រីនេះ បានធ្វើឲ្យមហាជន ស្រលាញ់ពេញចិត្ត នឹងចរិតលក្ខណៈតួអង្គ ដែលនាងសម្ដែងជាខ្លាំង។

ដោយឡែក ងាកទៅមើលកាលពីរឿងភាគមុនៗវិញ Seol In Ah ធ្លាប់បានសម្ដែងជាតួក្បត់ ដែលធ្លាប់បានធ្វើឲ្យទស្សនិកជនខ្នាញ់ក្នុងចិត្ត ក្រឺតនឹងចរិតដ៏គួរឲ្យស្អប់របស់តួអង្គនាង។ លើសពីនោះ តួរងនេះ ក៏ធ្លាប់បានសម្ដែងជាតួឯកជាច្រើនរឿងមកហើយដែរ ប៉ុន្ដែប្រជាប្រិយភាពហាក់ដូចជាមិនឡើងទៅណាសោះ។

ចំណែកឯ ថ្មីៗនេះ នាងបានសម្ដែងជាតួអង្គរងដែលជាមិត្តជិតស្និទនឹងតួឯកស្រី និង​ មានចរិតគួរឲ្យស្រលាញ់ខុសពីតួរងមុន ទើបធ្វើឲ្យ Seol In Ah ទទួលបានការគាំទ្រយ៉ាងសន្ធឹកសន្ធាប់។ ជាមួយគ្នានេះដែរ តួរងរូបនេះ ត្រូវបានអ្នកលេងបណ្ដាញសង្គមពេញចិត្ត និង សរសើរពីសមត្ថភាព ព្រមទាំងសម្រស់ផងដែរ៕

ប្រភព៖ _seorina