ស្ងាត់ៗ Miranda Kerr បង្ហាញខ្លួនឡើងស្អាតទាក់ទាញ ពេលចេញបណ្ដើរជាមួយស្វាមី

បរទេស៖ មិនត្រឹមតែធ្វើឲ្យមហាជននាំគ្នា ចាប់អារម្មណ៍ពីសម្រស់ដ៏ស្រស់សោភារបស់ តារាម៉ូដែលស្រី Miranda Kerr នោះទេ តែសម្រាប់ជីវិតគ្រួសារដ៏មានសុភមង្គល ក្រោយពីបានសាងឡើងជាមួយស្វាមី លោក Evan Spiegel ប៉ុន្មានឆ្នាំមកនេះ ក៏មានការយកចិត្តទុកដាក់មិនចាញ់គ្នាដែរ។

ថ្មីៗនេះ ស្របពេលដែលគូស្វាមីភរិយាមួយគូនេះ បានចូលរួមក្នុងកម្មវិធីមួយ ក្នុងទីក្រុង Washington DC សហរដ្ឋអាមេរិក ស្រាប់តែបានក្លាយជាការចាប់អារម្មណ៍យ៉ាងឆាប់រហ័ស ទៅលើការបង្ហាញរបស់អ្នកទាំងពីរ ដែលមានការរៀបចំខ្លួនបានយ៉ាងស្រស់ស្អាតស៊ិ.ច.ស៊ី រួម​ជាមួយ​គ្រឿង​អលង្ការ​ប្រណីត ថែមទៀត។ 

មិនត្រឹមតែប៉ុណ្ណោះ អ្នកនិយមលេងអ៊ីនធឺណែតជាច្រើន ក៏បានចូលមកសរសើរយ៉ាងខ្លាំង ទៅដល់ Miranda Kerr និងស្វាមីមហាសេដ្ឋីរបស់នាង ដែលបានចូលរួមជាមួយគ្នាយ៉ាងសាកសម ព្រមទាំងមិនភ្លេចបង្ហាញនូវក្តីស្រលាញ់ចំពោះគ្នាទៅវិញទៅមក ពោរពេញដោយស្នាមញញឹមរីករាយ នៅក្នុងព្រឹត្តិការណ៍នោះ ផងដែរ៕

ប្រភព៖ Ngoisao.vn

សូមទស្សនារូបភាពខាងក្រោម៖