ជាតិមុនធ្វើបុណ្យអី បានJisoo ស្អាតយ៉ាងហ្នឹង សូម្បីថតចំមុខជិតៗ ពេលណា ក៏ស្អាតសាហាវ

កូរ៉េខាងត្បូង៖ ជាស្រីស្អាតស្រាប់ Jisoo សមាជិកកក្រុម BLACKPINK តែងតែធ្វើឲ្យមនុស្សគ្រប់គ្នាសរសើរមិនដាច់ពីមាត់ថា មានសម្រស់ស្រស់ស្អាត បែបសុភាពរាបរយជាងគេប្រចាំក្នុងវិស័យឧស្សាហកម្មតន្រ្តី Kpop នេះតែម្ដង ព្រោះជារឿយៗអ្នកគាំទ្រតែងឃើញនាងចូលចិត្តតែងខ្លួនបែបសាមញ្ញៗសុភាពធម្មតាៗ។  

ដោយឡែក រូបភាព Jisoo ជាច្រើនសន្លឹកកំពុងសាយភាយពេញបណ្ដាញសង្គម ដោយគ្រប់​យ៉ាង​ហាក់​បង្ហាញ​ថា Jisoo នៅ​តែ​រក្សា​ទម្រង់​មុខ​ក្មេង​ស្រី​របស់​នាង ទោះ​បី​នាង​មាន​អាយុ ២៧ ក្នុងឆ្នាំនេះ​ក៏​ដោយ។ ជាពិសេសតារាស្រីរូបនេះ ពិតជាស្រស់ស្អាតទាក់ទាញគ្រប់ជ្រុងតែម្ដង មិនថាថតស្ទាយ៍បែបណា ។

ជាក់ស្ដែង បើក្រលេកមើល រូបភាពជាច្រើនសន្លឹករបស់ Jisoo ថតពីមុខចំៗនេះវិញ រឹតតែធ្វើឲ្យមានមន្តស្នេហ៍កាន់តែខ្លាំង ជាមួយនឹងទម្រង់មុខរាងពងក្រពើបន្តិច អក្សរVបន្តិចរលោងស្រិលផងនោះ អមនឹងបបូរមាត់ស្ដើងរាងបេះដូងទៀតនោះ រឹតតែធ្វើឲ្យនាងទាក់ទាញភ្នែកអ្នកទស្សនាមិនចង់ដាក់ភ្នែកចុះ៕

សូមទស្សនារូបភាពខាងក្រោម៖