មូលហេតុបែនេះសោះទើប Chaeyoung កម្រស្លៀកសម្លៀកបំពាក់វាលខ្នង គឺដោយសារ…
កូរ៉េខាងត្បូង ៖ នៅប្រទេសកូរ៉េ ការចាក់សាក់តែងតែជាប្រធានបទដ៏ចម្រូងចម្រាស វប្បធម៌នៅទីនោះជឿថា ការចាក់សាក់តំណាងឱ្យអំពើហឹង្សា អ្នកចាក់សាក់តែងតែមានគំនិតប្រឆាំងនឹងសង្គម ឬបំពានស្តង់ដារ ដូច្នេះហើយ Chaeyoung សមាជិកក្រុម TWICE ដែលជាតារាម្នាក់ស្រលាញ់ចូលចិត្តស្នាមសាក់រូបនេះ កម្រនឹងបង្ហាញស្នាមសាក់របស់នាង ជាសាធារណៈណាស់។
ថ្មីៗនេះ នៅក្នុងវីដេអូរាំបែប Scientist នៅឯកន្លែងហាត់ប្រាណ Chaeyoung ស្រាប់តែបង្ហាញស្នាមសាក់ដ៏ធំមួយ នៅចំកណ្តាលចង្កេះរបស់នាង តារាស្រីរូបនេះបានពាក់អាវធំ ដូច្នេះនៅពេលដែលនាងផ្លាស់ទីរាងកាយរបស់នាង នាងបានបង្ហាញស្នាមសាក់នេះដោយចៃដន្យ ហើយនេះមិនមែនជាលើកទីមួយទេដែលអ្នកនិយមលេងអ៊ីនធើណែត ចាប់បានស្នាមសាក់របស់ Chaeyoung ក្រោយអំឡុងពេលរាំបទ «Cry For Me» តារារូបនេះបានបង្ហាញស្នាមសាក់នៅកណ្តាលចង្កេះម្ដងទៀតនៅពីក្រោយអាវពណ៌សដូចគ្នា។
ចំពោះរឿងមួយនេះ អ្នកនិយមលេងអ៊ីនធើណែតមានការភ្ញាក់ផ្អើលយ៉ាងខ្លាំងចំពោះទំហំ និងពណ៌នៃស្នាមសាក់នៅលើខ្នងរបស់ Chaeyoung ដែលគេអាចសង្កេតឃើញថា នាងតែងតែលាក់បាំងដោយការប្រើបង់សម្រាប់បិទបាំងស្នាមសាក់ឬដោយស្លៀករ៉ូបវែងបិទចង្កេះ តែពេលខ្លះ ដោយសារតែ Chaeyoungផ្ដោតលើក្បាច់រាំ ទើបនាងចៃដន្យបញ្ចេញស្នាមសាក់តិចតួចផងដែរ។
ក្រោយមក មនុស្សជាច្រើនជឿថា ស្នាមសាក់នៅលើខ្នង គឺជាហេតុផលមួយដែល Chaeyoung កម្រស្លៀកសម្លៀកបំពាក់វាលខ្នងមិនថានៅលើឆាក ទៅកម្មវិធី ឬសម្លៀកបំពាក់ប្រចាំថ្ងៃ ស្នាមសាក់របស់ Chaeyoungមានទំហំធំណាស់ ប្រសិនបើត្រូវបានបង្ហាញជាសាធារណៈដោយបើកចំហអាចនឹងងាយបង្កការឈ្លោះប្រកែកគ្នាដោយមិនចាំបាច់ ដូច្នេះហើយទើបតារាស្រីរូបនេះជ្រើសរើសសំលៀកបំពាក់ដើម្បីលាក់វា៕
ប្រភព : kenh14.vn