កូនកាត់៤សាសន៍ Zendaya សង្សារ Spiderman កំពុងធ្វើឲ្យហ្វេនចាប់អារម្មណ៍ជាខ្លាំង

បរទេស៖ កាលពេលថ្មីៗកន្លងទៅនេះ តួឯកស្រីក្នុងរឿង Spiderman Far From Home និង Tom Holland ដែលជាតួអង្គបុរសពីងពាងផ្ទាល់ បានប្រទះឃើញថើបគ្នាក្នុងឡានក្រៅសាច់រឿង។ តាមរយៈសកម្មភាពទាំងនេះ បានបង្ហាញពីទំនាក់ទំនងពិតប្រាកដរបស់ពួកគេ ដែលហ្វេនជាច្រើនមានការសង្ស័យជាយូរមកហើយ។

ប្រធានបទដ៏ក្ដៅគគុកមួយនេះ បានធ្វើឲ្យមហាជនជាច្រើនងាកមកចាប់អារម្មណ៍ជាខ្លាំងទៅលើនារីរូបស្រស់ Zendaya។ មុននឹងមានស្នេហាជាមួយ Tom នាង Zendaya គឺជាតារាសម្ដែងហូលីវូត ដ៏ល្បីល្បាញម្នាក់ ដែលនាងមានទេពកោសល្យជាច្រើន មិនតែប៉ុណ្ណោះនាងក៏ជា តារាចម្រៀង និង តារាបង្ហាញម៉ូតផងដែរ។ 

ឈ្មោះពិតរបស់តារាហូលីវូតម្នាក់នេះគឺ Zendaya Maree Stoermer Coleman កើតឆ្នាំ ១៩៩៦ ដែលនាងជាកូនកាត់ដល់ទៅ៤សាសន៍។​ Zendaya មានឈាមលាយគ្នាដល់ទៅ៤សាសន៍ គឺ ឪពុកជាកូនកាត់ អាហ្វ្រីក-អាមេរិក និងម្ដាយជាកូនកាត់​ អាឡឺម៉ង់-ស្កុតឡែន។ 

នៅក្នុងវ័យ២៥ឆ្នាំ Zendaya ចាប់ទុកថាជា នារីដ៏ស្រស់ស្អាតនិងជោគជ័យក្នុងវិស័យសិល្បៈ។ ទោះបីជានាងមានប្រជាប្រិយភាពយ៉ាងណាក៏ដោយ នាងតែងតែរក្សាភាពឯកជននិងមិនសូវលេចមុខក្នុងបណ្ដាញសង្គមប៉ុន្មាននោះទេ ដែលជាមូលហេតុធ្វើឲ្យមហាជនជាច្រើនចង់ដឹងពីនាង។

យោងតាម Page Six បានឲ្យដឹងថា តារាម៉ូឌែលកម្ពស់ ១ម៉ែត្រ៧៨ រូបនេះ និយាយថាខ្លួនចង់ផ្ដោតលើការងារ និងចូលចិត្តនៅផ្ទះជាងការចេញទៅកន្លែងដែលមានមនុស្សច្រើន៕​

ប្រភព៖ Zingnews