Kim Dami កាលមិនទាន់ក្លាយជាតារាសម្ដែង សម្រស់ស្អាតមិនធម្មតា

កម្សាន្ត៖ តារាសម្ដែង ដែលកំពុងតែទទួលបានការគាំទ្រជាច្រើនពីសំណាក់មហាជន Kim Dami ទើបតែទទួលបានពានរង្វាន់តារាស្រីឆ្នើមកាលពីពេលថ្មីៗនេះ។ ជាពិសេស នាងត្រូវបានគេចាប់អារម្មណ៍ជាខ្លាំង បន្ទាប់ពីឃើញសម្រស់កាលពីមិនទាន់ចូលសិល្បៈរបស់នាង។

តាមប្រភពបានឲ្យដឹងថា Kim Dami បង្ហាញខ្លួនដំបូងក្នុងឆ្នាំ២០១៧ ក្នុងរឿងខ្លីមួយ ដែលជាការសម្ដែងក្រៅផ្លូវការ ក្រោយមកនាងទទួលបានប្រជាប្រិយភាពនៅក្នុងរឿង The Witch ក្នុងឆ្នាំ២០១៨ ហើយដែលល្បីបន្ដមកទៀតគឺរឿង Itaewon Class។

អ្វីដែលធ្វើឲ្យមហាជនសរសើរក្រៅពីទេពកោសល្យសម្ដែងដ៏អស្ចារ្យនោះ គឺសម្រស់របស់នាង ដែលស្អាតបែបធម្មជាតិមិនឆ្លងកាត់ការកែសម្ភស្សឡើយ។ លើសពីនោះ រូបភាពប៉ុន្មានសន្លឹក កាលពីនាងមិនទាន់ចូលសិល្បៈ កាន់តែបង្ហាញថានាងពិតជាមានសម្រស់ស្អាតបែបនេះតាំងពីដើម៕

ប្រភព៖ KStarLive

សូមទស្សនារូបភាពកាលពីមិនទាន់ចូលសិល្បៈរបស់តារាស្រី ​Kim Dami ខាងក្រោម៖