មិនឲ្យជាន់គេ ហ្វេនជនជាតិចិនរបស់ Jimin ជះលុយធ្វើគម្រោង Jimin Plane សម្រាប់ខួបកំណើតឆ្នាំនេះ
កូរ៉េខាងត្បូង ៖ Jimin សមាជិកក្រុម BTS ត្រូវបាន អ្នកគាំទ្រជនជាតិចិនរៀបគម្រោងអស់ប្រាក់ជាច្រើន ក្នុងការផ្សព្វផ្សាយរូបរបស់លោកនៅលើ យន្តហោះសម្រាប់អបអរថ្ងៃកំណើតក្នុងឆ្នាំ ២០២១ នេះ។
ក្នុងនោះ PARKJIMINBAR ដែលជាអ្នកគាំទ្រនៅប្រទេសចិនរបស់ Jimin ថ្មីៗនេះ បានបង្ហាញពីយន្តហោះមួយដែលបានរចនារូបភាពរបស់ Jimin ព្រមជាមួយនឹងសារសម្រាប់ថ្ងៃកំណើតរបស់តារាប្រុសរូបនេះ។ វាជាផ្នែកមួយនៃគម្រោង គាំទ្រថ្ងៃខួបកំណើតក្នុងឆ្នាំ២០២១ របស់ពួកគេ ដើម្បីអបអរសាទរខួបកំណើតគម្រប់ ២៦ ឆ្នាំរបស់ Jimin ផ្ទាល់។
ដោយមានការសហការជាមួយ Jeju Airគម្រោងនេះមានយន្តហោះចំនួន ៣ ដែលត្រូវបានរចនាឡើងយ៉ាងពិសេស ជាមួយនឹងរូបថតរបស់Jimin។
លើសពីនេះ សំបុត្រយន្តហោះ និងឈុតពែងនៅលើយន្ដហោះ ក៏មាន Jimin-themed រូបថត និងជាពិសេសគឺសំបុត្ររបស់អ្នកគាំទ្រ Jimin ផងដែរ។ ប្រសិនបើអ្នកធ្លាប់មានឱកាសហោះហើរ ជាមួយយន្តហោះដ៏អស្ចារ្យទាំងនេះវាជាគំនិតដ៏ល្អមួយ ក្នុងការទុកវត្ថុទាំងអស់នោះជាវត្ថុអនុស្សាវរីយ៍៕
ប្រភព : Koreaboo