កៀកថ្ងៃសម្រាលហើយ សម្រស់អ្នកម៉ាក់ នីឡា នៅស្អាតមិនសមអ្នកទម្ងន់សោះ

រាជធានីភ្នំពេញ ៖ ដូចដែរដឹងស្រាប់ហើយថា តារាស្រី នីឡា បានដឹកដៃគូដណ្តឹងរបស់ខ្លួន ចូលរោងរៀបការរៀបចំយ៉ាងអធិកអធម កាលពីប៉ុន្មានខែមុននេះ ក្រោយពិធីត្រូវបានលើកម្តងហើយម្តងទៀត ព្រោះតែជំងឺកូវីដ។

ទន្ទឹមនឹងនេះ ក្រោយរៀបការមិនទាន់ប៉ុន្មាន រូបនាងក៏បង្ហើបដំណឹងមានផ្ទៃពោះមុនពេលរៀបការ ដោយគ្មានលាក់លៀមពីហ្វេនៗឡើយ ព្រោះខ្លួនលើកឡើងថា នេះជាគម្រោងរបស់រូបនាងនិងស្វាមី។

យ៉ាងណាមិញ គិតមកដល់ពេលនេះ អាយុកូនក្នុងពោះរបស់ តារាស្រី នីឡា គឺ៣០សប្តាហ៍ទៅហើយ ប៉ុន្តែក្រឡេកទៅមើលសម្រស់អ្នកម៉ាក់វ័យក្មេងរូបនេះវិញ ហាក់គ្មានប្រែប្រួលបន្តិចឡើយ ស្បែកនៅភ្លឺរលោង ស្ទើរតែស្អាតជាងពេលធម្មតាថែមទៀតផង ក្រឡេកមួយភ្លែត សឹងមិនជឿថាជា អ្នកម៉ាក់កំពុងពពោះសោះ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖