មិនធម្មតា អ្នកជំនាញតន្ត្រីម្នាក់នេះនិយាយ ពីមូលហេតុដែលអ្នកមិនអាចមិនចូលចិត្តក្រុម BLACKPINK (មានវីដេអូ)

កូរ៉េខាងត្បូង ៖ក្រុមតារាចម្រៀងស្រីសព្វថ្ងៃ ដែលមានភាពល្បីល្បាញទាំងអាស៊ី និងអឺរ៉ុបនោះគឺក្រុម BLACKPINK នេះឯង តែទទ្ទឹមនឹងមានប្រជាប្រិយភាពខ្លាំងការស្រលាញ់ និងការស្អប់ក៏កើតមានឡើងដូចគ្នា។

ប៉ុន្តែ ថ្មីៗនេះអ្នកជំនាញតន្ត្រីម្នាក់គឺលោក Kim Young Dae បានអង្គុយជជែកគ្នា អំពីសិល្បករ K-Pop ជាច្រើន ដែលកំពុងគ្របដណ្តប់ឧស្សាហកម្មនេះរួមទាំងក្រុម BLACKPINK ផងដែរ ហើយលោកក៏បានលើកហេតុផលមួយចំនួនដែលមានអ្នកមិនអាចស្អប់ ​ឬមិនចូលចិត្តក្រុម BLACKPINK បាន។

— Kim Young Dae 

ក្នុងនោះលោកបានបង្ហាញពីហេតុផលថា ក្រុម BLACKPINK បានបង្ហាញពីភាពប៉ិនប្រសប់ផ្សេងៗគ្នា និងពោរពេញទៅដោយមន្តស្នេហ៍ជាច្រើនប្រភេទ ដែលអ្នកប្រហែលជាមិនអាចរកបាននៅក្នុងក្រុមតែមួយទេ។

លោកបានលើកហេតុផលជាច្រើនទៀត ដូចជា ក្រុម BLACKPINK អាចសម្តែងជាតួរអាក្រក់ និងកាចបានដោយភាពជឿជាក់របស់ពួកគេប៉ុន្តែពួកគេក៏មានផ្នែកគួរឲ្យស្រលាញ់ក្នុងនាមជាក្មេងស្រីផងដែរ លើសពីនេះទៅទៀត ពួកគេសុទ្ធតែជាអ្នកចម្រៀងនិងអ្នករាំដែលមានទេពកោសល្យ ដោយសារពួកគេមិនខ្វះផ្នែកណាមួយ អ្នកគ្រប់គ្នាអាចរកឃើញអ្វី ដែលពួកគេពេញចិត្តអំពីក្រុមBLACKPINK បានយ៉ាងងាយ។

ចុងបញ្ចប់ លោក Kim YoungDae ក៏បាននិយាយថា សមាជិកដែលលោកចូលចិត្តជាងគេ នៅក្នុងក្រុម BLACKPINK គឺJennie៕

ជ្រាបកាន់តែច្បាស់ សូមទស្សនាវីដេអូខាងក្រោម៖

ប្រភព : Koreaboo