ចិន៖ កាលពីថ្មីៗនេះកន្លងទៅនេះ តារាស្រី Dilraba បានទាក់ទាញចំណាប់អារម្មណ៍យ៉ាងខ្លាំង នៅពេលបង្ហាញខ្លួនយ៉ាងស្រស់ស្អាត ក្នុងព្រឹត្តិការណ៍ផ្សាយផ្ទាល់ ជាពិសេស ថែមទាំងបានបង្កការភ្ញាក់ផ្អើល ជាមួយនឹងស្ទាយ៍សក់បិទបាំងភ្នែកខាងឆ្វេង ខណៈដែលរូបនាងក៏បានបង្ហើបប្រាប់អ្នកគាំទ្រថា ស្ទាយ៍បាំងភ្នែកនេះ គឺនាងព្យាយាមបិទបាំងភ្នែកហើមរបស់ខ្លួន ថែមទៀតផង។
ប៉ុន្តែបន្ទាប់ពីនេះ រូបភាពនៅក្នុងស្ទាយ៍ដ៏ទាក់ទាញមួយនេះ បែរជាបានធ្វើឲ្យអ្នកលេងបណ្ដាញសង្គមជាច្រើន គិតថា តារាស្រីរូបនេះ បានធ្វើត្រាប់តាម តារាស្រី Zhao Liying ទៅវិញ ព្រោះនៅក្នុងព្រឹត្តិការណ៍មួយក្នុងឆ្នាំ ២០១៩ Zhao Liying ក៏បានលេងស្ទាយ៍សក់បិទបាំងភ្នែករបស់នាងដែរ។
យ៉ាងណាមិញ ក៏មានអ្នកគាំទ្រជាច្រើនទៀត បានចង្អុលបង្ហាញពីភាពស្រដៀងគ្នារវាងតារាស្រីពីររូបនេះ ទាំងភាពស្រស់ស្អាត និងអត្ថាធិប្បាយថា ភាគច្រើននៃតារាស្រីនៅក្នុងសិល្បៈកម្សាន្តគឺមាន រូបរាងនិងសកម្មភាពដូចៗគ្នា ថែមទៀតផង ហើយម៉្យាងវិញទៀត Dilraba និង Zhao Liying ក៏ធ្លាប់បានបញ្ចេញអាកប្បកិរិយាខុសៗគ្នាជាច្រើន ផងដែរ៕
ប្រភព៖ Kenh14
សូមទស្សនារូបភាពខាងក្រោម៖