យល់ដឹង៖ ជឿជាក់ថា ប្រិយមិត្ត ពុកម៉ែ បងប្អូន និងប្រជាពលរដ្ឋខ្មែរមួយចំនួនប្រាកដជាធ្លាប់បានទទួលជ្រាបអំពីតំណហាមប្រាមមួយចំនួន ទាក់ទងនឹងចំណងអាពាហ៍ពិពាហ៍រវាងបងប្អូនជីដូនមួយ ដែលជាប់សាច់សាលោហិតជាមួយគ្នា រហូតមានមតិចំនួនបានលើកឡើងថាការ​រៀបការជាមួយ​បង​ប្អូន​ឯង ជាពិសេសបងប្អូនជីដូនមួយ បាន​កូន​មក​ល្ងង់ រៀន​មិន​ចេះ មិន​សូវ​ឆ្លាត ឧស្សាហ៍ឈឺ រាងកាយមិនសូវរឹងមាំថែមទៀតផង។យ៉ាងណាមិញ បើយោងតាមសម្រង់លទ្ធផលនៃការស្រាវជ្រាវពីគេហទំព័រសារព័ត៌មានដ៏ល្បីរបស់ឥណ្ឌា The Hindu បានធ្វើការបកស្រាយជុំវិញបញ្ហាខាងលើនេះ យ៉ាងដូច្នេះថា៖យោងតាមការសិក្សាបែបវិទ្យាសាស្រ្ត ដោយផ្អែកលើសេនេទិច និងសែននៃគូស្វាមី-ភរិយា ក្នុងចំណងអាពាហ៍ពិពាហ៍​រវាងបងប្អូនជីដូនមួយ ​អាច​នាំ​ឱ្យ​មាន​បញ្ហា​សុខភាព​ដល់​កុមារ​ដែលកើតចេញពីឪពុកម្តាយ ជាបងប្អូនបង្កើត ឬជីដូនមួយនឹងគ្នា ដោយអាការ:របស់ទារកនឹងបង្ហាញឱ្យឃើញពីភាពមិនប្រក្រតីចាប់តាំងពីកើតមក ឬនៅក្នុងផ្ទៃម្តាយតែម្តង។ ទារកដែលកើតចេញពីអាពាហ៍ពិពាហ៍បែបនេះអាចប្រឈមមុខនឹងបញ្ហាច្រើនពីកំណើត។ ក្នុងនោះបញ្ហាបេះដូងជាប់ចំណាត់ថ្នាក់លេខមួយ តាមពីក្រោយដោយជំងឺសរសៃប្រសាទ និងភាពមិនប្រក្រតីនៃអវយវៈ ដែលទារកអាចកើតមកមានពិការភាព ឬមានលើសអវយវៈជាដើម។ការសិក្សាដដែលបានបង្ហាញថាប្រព័ន្ធ Gotram ឬការរៀបអាពាហ៍ពិពាហ៍ចម្រុះជាតិសាសន៍ ឬសាច់ឆ្ងាយ មានសុវត្ថិភាពជាងការរៀបការជាមួយបងប្អូនជីដូនមួយ។ វាជាការពិតហើយថា “ចម្ងាយហ្សែន” ឬនៅក្នុងភាសាជីវវិទ្យាឲ្យឈ្មោះថាការបង្កាត់ឆ្ងាយ ដែលនៅក្នុងន័យនរភាសាថា ការរៀបការជាមួយអ្នកដទៃក្រោយពីបងប្អូនឯង ផ្តល់ឲ្យនូវកូនដែលមានសុខភាពល្អ និងប្រាជ្ញាវៀងវៃជាងទារកដែលកើតចេញពីឪពុកម្តាយជាបងប្អូនបង្កើត ឬជាបងប្អូនជីដូនមួយនឹងគ្នា។ដូច្នេះប្រសិនបើអ្នកមានគម្រោងក្នុងការរៀបអាពាហ៍ជាមួយបងប្អូនបង្កើត ឬបងប្អូនជីដូនមួយ អ្នកគួរគប្បីទៅធ្វើការពិភាក្សាជាមួយក្រុមគ្រូពេទ្យឯកទេសជំនាញជាមុនសិន ដើម្បីបង្ការហានិភ័យនៅថ្ងៃអានាគត៕ប្រភព៖​ <a href="https://www.thehindu.com/sci-tech/health/the-biology-of-first-cousin-marriages/article4902050.ece">សូមចុចទីនេះ(The Hindu) </a><figure style="text-align:center"><img src="https://cms.dmpcdn.com/article/2022/01/07/68b54a80-6f6e-11ec-b043-5f3f206c9585_original.jpg" alt="រូបតំណាង" style="width:100%"/><figcaption>រូបតំណាង</figcaption></figure><figure style="text-align:center"><img src="https://cms.dmpcdn.com/article/2022/01/07/691f56f0-6f6e-11ec-b043-5f3f206c9585_original.jpg" alt="រូបតំណាង" style="width:100%"/><figcaption>រូបតំណាង</figcaption></figure><figure style="text-align:center"><img src="https://cms.dmpcdn.com/article/2022/01/07/696a1b90-6f6e-11ec-8bbd-1d25ba651ba6_original.jpg" alt="រូបតំណាង" style="width:100%"/><figcaption>រូបតំណាង</figcaption></figure><figure style="text-align:center"><img src="https://cms.dmpcdn.com/article/2022/01/07/69b04c50-6f6e-11ec-8bbd-1d25ba651ba6_original.png" alt="រូបតំណាង" style="width:100%"/><figcaption>រូបតំណាង</figcaption></figure>

ធ្លាប់ឮចាស់ៗថាអត់ឲ្យរៀបការជាមួយ បងប្អូនជីដូនមួយអត់? ទាំងនេះជាគុណវិបត្តិ នៃការរៀបការបែបនេះ