ជាច្រើនសន្លឹករបស់ Jennie កាន់តែHot

កូរ៉េខាងត្បូង៖ កាលពីថ្ងៃទី ២០ ខែឧសភា​ នៅគណនីអ៉ីនស្តារក្រាម របស់ សមាជិក Jennie ក្រុមចម្រៀងនារីជួរមុខ BLACKPINK បានទម្លាយរូបភាពថ្មីប៉ុន្មានសន្លឹក នៃរូបភាពក្រោយឆាក របស់នាង សម្រាប់ការថតទស្សនាវដ្តី បានធ្វើឲ្យអ្នកលេងបណ្តាញសង្គមចែករំលែក និងពិភាក្សាគ្នាឥតឈប់ឈរ ចំពោះរូបភាពថ្មីនេះ។ 

ជាក់ស្តែង តាមរយៈរូបភាពទាំងអស់នេះ វាពិតជាភ្ញាក់ផ្អើលខ្លាំងតែម្តង នៃរូបសម្រស់បែបស្រស់ស្អាត និងគួរឲ្យស្រលាញ់ មិនខុសគ្នាទៅនឹង រូបភាពចេញសន្លឹកចេញ ពីស្ទូឌីយោ ប៉ុន្មាននោះទេ ក៏ដូចជា ស្ទីលថត មិនថាស្ទាយ៍បែបណា សុទ្ធសឹងតែទាក់ទាញ ជាមួយរសនិយម ដូចតារាម៉ូដែលអាជីពតែម្តង។

ទៀតសោត​ បើក្រឡេកមើល ការ Make up តាំងពីការតុបតែងខ្លួន គ្រប់ឈុត គួបផ្សំនឹងស្ទីលម៉ូតសក់ បានធ្វើឲ្យ សម្រស់ស្រស់ស្អាតរបស់តារាស្រីកើតក្នុងឆ្នាំ ១៩៩៦ កាន់តែទាក់ទាញ ជាពិសេសនោះ ការថែមលេងកូល័របែបឌិតៗ ទឹកមុខបែបកាចៗ គ្រប់សន្លឹកបានផ្តិតចេញមក Jennie ពិតជាអស់ទាស់ មិនសរសើរមិនបាន៕  

សូមទស្សនារូបភាពខាងក្រោម៖