គូមួយទៀតហើយ ពេលនេះ គឹម លីហ្សា ចែកផ្លូវគ្នា ជាមួយប្តីហើយ (មានវីដេអូ)

រាជធានីភ្នំពេញ ៖ បើទោះបី ឃ្លាតឆ្ងាយពីវង់សិល្បៈ ក្រោយរៀបការក្តី អតីតពិធីការិនី គឹម លីហ្សា នៅតែទទួលការគាំទ្រ ដូចពីមុន រីឯជីវិតឯកជនវិញ អតីតតារាស្រីរូបនេះ ជោគជ័យយ៉ាងត្រចះត្រចង់ជាមួយនឹង ជំនួញថ្មី លក់ម្ជូរដែលមានប្រេនយីហោ «គឹម លីហ្សា ម្ជូរក្រឡុកឆ្ងាញ់ៗ»។

យ៉ាងណាមិញ បើងាកទៅមើលពីជីវិតឯកជនវិញ មួយរយៈចុងក្រោយនេះ អ្នកនាង គឹម លីហ្សា ហាក់មិនសូវបញ្ចេញភាពផ្អែមល្អែម ស្និទស្នាលនឹងស្វាមីអនិកជនរបស់ខ្លួនប៉ុន្មានឡើយ ខណៈឃើញតែបង្ហោះវីដេអូជាមួយកូនៗទៅវិញ ធ្វើឲ្យគេឯងផ្ទុះចម្ងល់គ្រប់គ្នាៗ។

ជាក់ស្តែង ទទួលសំណួរដដែរៗច្រើនដងពេក ចុងក្រោយ គេឃើញអតីតតារាស្រីរូបនេះ បានបង្ហោះចម្លើយខ្លី លើបណ្តាញសង្គម TikTok ថា «មេម៉ាយតាស» ក្រោយមានស្ត្រីម្នាក់ សួរថា «មេម៉ាយមែនមីង សួរលេងទេ កុំខឹងមីងណា»៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖