ចេញពីព.ន្ធ.នា.គារ មិនប៉ុន្មាន ទីបំផុត Pinky ចូលសម្ដែងរឿងថ្មី តំណែងជាតួឯកទៀត

ថៃ៖ កាលពីកន្លងមក ជាមួយនឹងរឿងក្ដីរបស់តារាស្រី Pinky ដែលត្រូវបានគេចោទប្រកាន់ និងមានការប្ដឹងផ្ដល់ពីករណីឆបោកលុយរាប់លាន រហូតដល់នាងត្រូវបានឃុំខ្លួនបណ្ដោះអាសន្ន នៅក្នុងពន្ធ.នា.គា.រ។ តែទោះជាយ៉ាងណា បន្ទាប់ពីនេះ ជាមួយនឹងប្រាក់ធានាខ្លួនប្រមាណ ៥លានបាត តារាស្រីរូបនេះ ក៏ត្រូវបានគេដោះលែង ឲ្យនៅក្រៅឃុំ ។

ដោយឡែក ការវិលត្រឡប់របស់តារាស្រី Pinky ក្រោយពីចេញឲ្យនៅក្រៅឃុំ ក៏បានទាញយកចំណាប់អារម្មណ៍ហ្វេនៗជាខ្លាំង ជាពិសេស ពួកគេថែមទាំងរង់ចាំ និងសង្ឃឹមថា នាងនឹងវិលមកចូលប្រឡូកក្នុងវិស័យសិល្បៈដូចដើម ទៀតផង។

យ៉ាងណាមិញ មិនឲ្យបណ្ដាអ្នកគាំទ្រជាច្រើន រង់ចាំយូរនោះទេ ដោយកាលពីថ្មីៗនេះ តារាស្រី Pinky បានបង្ហាញវត្តមានដ៏ភ្ញាក់ផ្អើល ជាមួយនឹងការសម្ភោធន៍ថតរឿងថ្មី ក្នុងតំណែងជាតួឯកស្រីទៀតផង។ លើសពីនេះ ការបង្ហាញខ្លួនរបស់នាង ថែមទាំងបានធ្វើឲ្យហ្វេន មានភាពរីករាយ ដោយបានឃើញសម្រស់ស្រស់ស្អាត និងទឹកមុខពោរពេញដោយស្នាមញញឹម ព្រមទាំងភាពជឿជាក់ ក្នុងពេលបានវិលចូលមកប្រឡូកក្នុងវិស័យសិល្បៈម្ដងទៀត ផងដែរ៕

ប្រភព៖ Gossipstar

សូមទស្សនារូបភាពខាងក្រោម៖