មួយឆ្នាំមានម្ដង Gigi Hadid ធ្វើខួបកំណើត២៦ឆ្នាំ ជាមួយស្វាមី យ៉ាងមានក្ដីសុខ

សហរដ្ឋអាមេរិក៖ មហាជនមួយចំនួនច្បាស់ជាបានស្គាល់ជាមួយនឹងតារាបង្ហាញម៉ូតស្រីដ៏ស្រស់ស្អាត Gigi Hadid ក្នុងនោះពេលបច្ចុប្បន្ននេះនាងក៏បានរៀបការរួចមកហើយនិងមានកូនម្នាក់អាយុ៧ខែជាមួយស្វាមីដែលជាអ្នកចម្រៀងនិងនិពន្ធភ្លេងលោក Zayn Malik ។

Gigi Hadid ជាតារាបង្ហាញម៉ូតវ័យ២៦ឆ្នាំដ៏មានប្រជាប្រិយម្នាក់ នាងបានក្លាយជាតារាបង្ហាញម៉ូតតាំងពីឆ្នាំ២០១៤រហូតមក បើក្រឡេកទៅមើលរូបសម្រស់របស់នាងវិញពិតណាស់ស្រស់ស្អាតគ្នានគូប្រៀបនោះទេដោយនារីៗគ្រប់រូបតែងតែស្រម៉ៃចង់បានរូបរាងដូចជាគេ។

យ៉ាងណាមិញក្នុងពេលកន្លងទៅថ្មីៗនេះ Gigi Hadid ក៏បានធ្វើពិធីខួបកំណើតគម្រប់ខួបអាយុ២៦ឆ្នាំសម្រាប់ខ្លួនឯងយ៉ាងកក់ក្ដៅនៅក្នុងផ្ទះ ត្បិតតែវាមើលទៅបែប​សាមញៗធម្មតាមិនដូចឆ្នាំមុនៗដែលបានអញ្ជើញភ្ញៀវច្រើនរៀបចំយ៉ាងអធិកអធម្ម ក៏ពិតមែន តែខួបកំណើតឆ្នាំនេះវាពិតជាកក់ក្ដៅនិងរីករាយខ្លាំងណាស់ព្រោះថាឆ្នាំនេះមានស្វាមី កូន សាច់ញាតិនិងមិត្តភ័ក្តិស្និទ្ធស្នាលមួយចំនួនបានចូលរួមថ្ងៃពិសេសនេះ ទាំងអស់នេះក៏បានធ្វើឱ្យ Gigi Hadidមានក្ដីសុខមិនតិចទេ៕

ប្រភព៖ Journobiz