តំណែង ជាអ្នកមានជាងគេរបស់ មហាសេដ្ឋី Elon musk ត្រូវបានធ្លា..ក់

បរទេស៖ ថ្មីៗនេះ កំពុងតែធ្វើឲ្យមហាជនជាច្រើនចាប់អារម្មណ៍នឹងរឿងរបស់ មហាសេដ្ឋី លោក Elon Musk ដែលត្រូវបានគេរាយណ៍មកថា លោកលែងជាអ្នកដែលមានជាងគេលើលោកទៀតហើយ ក្រោយពី នាយកប្រតិបត្តិរបស់ក្រុមហ៊ុន LV(Louis Vuitton) បានដណ្ដើមយកតំណែង មហាសេដ្ឋីរូបនេះ។

ក្នុងនោះដែរ តាមរយៈសារព័ត៌មាន CNN បានបង្ហាញថា លោក Elon Musk បានធ្លាក់ទៅចំណាត់ថ្នាក់លេខ ២ ក្នុងបញ្ជី «Real-Time Billionaires» របស់ Forbes ដោយដាក់ CEO Twitter និង Tesla រូបនេះ នៅពីក្រោយ Bernard Arnault ដែលជានាយកប្រតិបត្តិនៃម៉ាកប្រណីតបារាំង LVMH ដែលជាក្រុមហ៊ុនផលិតទំនិញប្រណីត Louis Vuitton និង Hennessy cognac ។

ហើយ ឥឡូវនេះ Forbes ក៏បានកំណត់ទ្រព្យសម្បត្តិរបស់ លោក Elon Musk មកត្រឹម ១៨៣,៦ ពាន់លានដុល្លារ ដែលទាបជាងទ្រព្យសម្បត្តិរបស់ Arnault បន្តិច ដែលមានការប៉ាន់ស្មានថា មានចំនួន ១៨៦,២ ពាន់លានដុល្លារ៕

ប្រភព៖ Ebook Cambodia, CNN

សូមទស្សនារូបភាពខាងក្រោម៖