Mai Davikah ថតស្និទ្ធជាមួយតួប្រុសក្មេង​ សមជាងសង្សារខ្លួនទៀត

កម្សន្ត៖ ថ្មីៗនេះ អ្នកគាំទ្ររបស់តារាស្រី Mai Davikah និង តារាប្រុស Bright Vachirawit បាននាំគ្នាចាប់អារម្មណ៍ទៅលើពួកគេជាខ្លាំង ដោយអ្នកទាំងពីរនេះ បានចាប់ដៃគូគ្នាសម្ដែងក្នុងរឿងភាគថ្មី Astrophile​។ ជាពិសេស មហាជនផ្ទុះការសរសើរថា តួឯកទាំងពីរសម្ដែងសមជាគូស្នេហ៍គ្នា ទោះខាងស្រីអាយុច្រើនជាងក៏ដោយ។

នៅក្នុងនោះ តួស្រី Davikah មានអាយុ៣០ឆ្នាំហើយ រីឯតារាសម្ដែងប្រុសលោក Bright ឯនេះវិញ មានអាយុត្រឹមតែ២៤ឆ្នាំតែប៉ុណ្នោះ។ ដោយឡែក ក្រឡេកទៅមើល រូបភាព នៅពេលអ្នកទាំងពីរឈរថតក្បែរគ្នា ស្និតស្នាល ដូចគូស្នេហ៍វិញ តារាទាំងពីរមានសម្រស់ស្រស់ស្អាតសមគ្នាជាខ្លាំង។

លើសពីនោះ ហ្វេនៗរបស់តារាទាំងពីរមានការគាំទ្រទៅលើការចាប់ដៃគូសម្ដែងរបស់អ្នកទាំងពីរទៀតផង និងសរសើរថា មិនថាដៃគូរបស់ Davikah ជាតារាប្រុសរូបណានោះទេ នាងតែងតែមានសមត្ថភាពសម្ដែងជាមួយបានយ៉ាងសមស្ទើគ្រប់គ្នា៕

ប្រភព៖ 𝕱 𝖎 𝖑 𝖒 𝟏 𝟗 𝟖 𝟎 필름