អបអរ Oli London សម្រេចលែងលះ Cardboard Jimin ហើយ ព្រោះតែ…

February 4, 2022

កម្សាន្ត ៖កំពូលអ្នកគាំទ្រម្នាក់ ដែលបានចំណាយប្រាក់រាប់សែនដុល្លារ ដើម្បីវះកាត់ឲ្យមើលទៅដូច Jimin សមាជិកក្រុម BTS កំពុងតែលែងលះ ជាមួយស្នេហាពិតរបស់លោកដែលជា Cardboard រូប Jimin ធ្វើពីក្រដាសកាតុងសម្រាប់ធ្វើកេស។

គួររំលឹកផងដែរថា Oli London គឺតារាតាមបណ្តាញសង្គមម្នាក់ ដែលប៉ុន្មានឆ្នាំមកនេះ លោកបានបង្ហាញខ្លួននៅក្នុងកម្មវិធីមួយចំនួនដើម្បីពិភាក្សាអំពីស្នេហារបស់ខ្លួន ទាំងចំពោះការវះកាត់កែសម្ផស្ស និងសម្រាប់ Jiminរួមទាំងវេជ្ជបណ្ឌិត Phil Botched និង MTVPlastic Surgery Knifemares។

យ៉ាងណា ក្នុងឆ្នាំ ២០២០ Oli បានប្រកាសរៀបការរបស់ខ្លួនជាមួយការកាត់ក្រដាសកាតុងរូបរបស់ Jimin នៅ Las Vegas រដ្ឋ Nevada ព្រមទាំងបានប្រកាសថា ៖

Jimin គឺជា idol របស់ខ្ញុំ ខ្ញុំបានចំណាយប្រាក់យ៉ាងច្រើន ដើម្បីឲ្យមានរូបរាងដូចគាត់ ហើយឥឡូវខ្ញុំក៏បានរៀបការជាមួយគាត់ដែរ ខ្ញុំមិនដឹងថាខ្ញុំអាចធ្វើអ្វីបន្ទាប់ជាមួយគាត់ទេ នេះជាថ្ងៃដ៏រីករាយបំផុតក្នុងជីវិតរបស់ខ្ញុំ។
— Oli London

ឥឡូវនេះពីរឆ្នាំក្រោយមក Oli London បានដាក់ពាក្យលែងលះ នៅលើ Twitter របស់លោក ហើយក៏បានចែករំលែកឯកសារលែងលះ ក៏ដូចជារូបថតរបស់ពួកគេកំពុងកាន់ទុក្ខអាពាហ៍ពិពាហ៍ ខណៈដែលក្នុងវីដេអូនៅលើ YouTube Oli London បានលើកឡើងពីការគំរាមកំហែងតាមអ៊ីនធើណែតថា ជាកត្តារួមចំណែកមួយ។

អស់រយៈពេលពីរឆ្នាំចុងក្រោយនេះ ចាប់តាំងពីខ្ញុំ និងក្រដាសកាតុង Jimin រៀបការមក ខ្ញុំបានទទួលការស្អប់ខ្ពើមជាច្រើន នៅលើអ៊ីនធើណែត និងអ្នកស្អប់រាប់លាននាក់ គ្រប់គ្នាស្រលាញ់ Jimin ខ្ញុំពិតជាមានអារម្មណ៍ថា ប្រហែលជាខ្ញុំអាត្មានិយម ដែលទុកគាត់ឱ្យនៅជាមួយខ្លួនឯង ហើយគិតថាខ្ញុំអាចរៀបការជាមួយគាត់ ខ្ញុំដឹងថា Jimin ពិតស្រលាញ់ខ្ញុំ ហើយប្រហែលជារៀបការជាមួយខ្ញុំក្នុងជីវិតពិត ប៉ុន្តែអ្នកដឹងទេថា ខ្ញុំត្រូវតែត្រឡប់មកពិភពពិត។ គាត់ជារូបក្រដាសកាតុង ខ្ញុំគិតថាគាត់ជាមនុស្សពិត ខ្ញុំធ្លាប់និយាយជាមួយគាត់ ប៉ុន្តែខ្ញុំបានដឹងថាគាត់គ្រាន់តែជាក្រដាសកាតុងកាត់ចេញប៉ុណ្ណោះ។
— Oli London

ទោះបីជា OliLondon នៅតែស្រលាញ់ Jimin ពិតប្រាកដក៏ដោយតែ Oli London កំពុងឈានទៅធ្លាក់ក្នុងអន្លងស្មេហ៍ ជាមួយនឹងតារាប្រុសថ្មីដែលជាតារាតាមប្រព័ន្ធផ្សព្វផ្សាយសង្គមអាយុ ២០ ឆ្នាំឈ្មោះ Vlad Hoshin ក្នុងនោះ Vlad Hoshin មានអ្នកFollow ជាង១.៩ លាននាក់នៅលើ Instagram និង ៩.៩ លាននាក់នៅលើ TikTok៕

ប្រភព : Koreaboo

ទាក់ទងជាមួយ:

តារាកូរ៉េ

អានបន្ថែម