មិនបង្ហាញ មិនប្រាកដថាគ្មានក្ដីសុខ មើលវីដេអូនេះបានដឹង ស្វាមី សារ៉ាយ សក្ខណា ស្រលាញ់ប្រពន្ធ (មានវីដេអូ)

ភ្នំពេញ៖ តារាសម្តែងស្រី សារ៉ាយ សក្ខណា ជាតារាស្រីខ្មែរ ដែលទទួលបាន សម្លេងគាំទ្រពីមហាជនយ៉ាងច្រើន បើទោះបី រូបនាងបានដកខ្លួនឃ្លាតឆ្ងាយពី វិថីសិល្បៈច្រើនឆ្នាំ ប៉ុន្តែក្រោយត្រលប់មកវិញតារាស្រីរូបនេះនៅតែមានការគាំទ្រ ស្រលាញ់ពីសំណាក់មហាជនដដែល។

យ៉ាងណាមិញ ដូចដែលបងប្អូនបានដឹងហើយថា សារ៉ាយ សក្ខណា សព្វថ្ងៃក៏មានស្វាមីដែលជាអនិកជន ថែមទាំងមានកូនប្រុសស្រីដ៏ឆ្លាតគួរឲ្យស្រលាញ់ពីរនាក់ផងដែរ។ ជាមួយគ្នានេះ កន្លងទៅ តារាស្រីរូបនេះ មិនសូវជាបង្ហាញភាពផ្អែមល្ហែម ជាមួយស្វាមីនៅលើបណ្ដាញសង្គមញឹកញាប់នោះទេ ដោយហេតុថាស្វាមីជាមនុស្សមិនមាត់ក និងមិនសូវមានសកម្មភាពស្វីតៗ ទើបជារឿយៗគេសង្គេតឃើញ តារាស្រីរូបនេះច្រើនតែបង្ហោះម្នាក់ឯង និងកូនៗ។

ដោយឡែក ថ្វីបើយ៉ាងដូច្នេះក៏ពិតមែន ប៉ុន្តែមិនមែនបានន័យថា សារ៉ាយ សក្ខណា និងគ្រួសារមានបញ្ហា ឬ មិនមានក្តីសុខក្នុងគ្រួសារនោះទេ ជាក់ស្ដែង ស្វាមីនាងចេះយកចិត្តទុកដាក់និងភរិយាណាស់ គ្រាន់តែមើលវីដេអូនេះក៏ដឹងថាស្រលាញ់ប្រពន្ធប៉ុណ្ណាដែរ ថែមទាំងអង្គុយលាងរបួស ឲ្យភរិយាយ៉ាងយកចិត្តទុកដាក់យ៉ាងដូច្នេះ៕

សូមទស្សនារូបភាបខាងក្រោម៖