មិនត្រឹមតែមុខស្រដៀងគ្នាទេ Nam Joo Hyuk និង Ahn Hyo Seop មានចំណុចដូចគ្នាច្រើន

កម្សាន្ត៖ បើប្រិយមិត្តជាអ្នកនិយមទស្សនារឿងភាគកូរ៉េ​ អាចនឹងច្រឡំថា Nam Joo Hyuk និង ​Ahn Hyo Seop ជាមនុស្សតែមួយ ដោយសារតែពួកគេមានមុខមាត់ស្រដៀងគ្នា។ អ្វីដែលគួរឲ្យចាប់អារម្មណ៍អ្នកគាំទ្ររបស់ពួកគេបានរកឃើញចំណុចដែលដូចគ្នារបស់តារាប្រុសទាំងពីររូបនេះ។

មិនត្រឹមតែមានមុខមាត់ស្រដៀងគ្នា ដែលអាចធ្វើឲ្យទស្សនិកជន ឃើញអាចគិតថាជាមនុស្សតែមួយហើយ Nam Joo Hyuk និង ​Ahn Hyo Seop មានចំនុចដែលដូចគ្នាទៀត។ នៅក្នុងនោះ ពួកគេសុទ្ធតែជាតារាសម្ដែងប្រុសលំដាប់តួឯកដែលល្បីល្បាញនិងមានមន្ដស្នេហ៍ឆក់យកបេះដូងអ្នកទស្សនាដូចគ្នា។

មិនតែប៉ុណ្ណោះ អ្នកទាំងពីរធ្លាប់សម្ដែងជាមួយតារាស្រី Lee Sung Kyung ដែលធ្វើឲ្យមហាជនមួយចំនួនច្រឡំថាជាតួឯកប្រុសតែមួយ។ លើសពីនោះ តារាប្រុសទាំងពីរ សុទ្ធតែមានកម្ពស់ខ្ពស់ដូចគ្នា ខុសគ្នាតែបន្ដិចប៉ុណ្ណោះ ដោយ Nam Joo Hyuk កម្ពស់ ១ម៉ែត្រ៨៨សង់ទីម៉ែត្រ រីឯ Ahn Hyo Seop ទាបជាង១សង់ទីម៉ែត្រ។

មិនទាន់អស់នោះទេ Nam Joo Hyuk និង ​Ahn Hyo Seop បានចេញរឿងថ្មីកំឡុងពេលប្រហាក់ប្រហែលគ្នា និង ទទួលបានការគាំទ្រមិនចាញ់គ្នានោះទេ។ ចំណុចទាំងនេះហើយ ដែលបានធ្វើឲ្យហ្វេនៗចាប់អារម្មណ៍ពីពួកគេដែលមានភាពចៃដន្យជាខ្លាំង ហាក់ដូចជា កូនភ្លោះខុសម្ដាយ៕

ប្រភព៖ KSTARTREND