មិនឲ្យចាញ់ក្មេងៗទេ គម្រប់ខួបកំណើត៥៦ឆ្នាំ Carman Lee អួតរាងញា.ក់ខ្លាំង

ហុងកុង៖ កាលពីថ្ងៃទី ១៦ ខែសីហាកន្លងទៅនេះ តារាសម្ដែងស្រីជើងចាស់ Carman Lee បានឈានចូលវ័យ​៥៦ ឆ្នាំជាផ្លូវការហើយ ម៉្យាងវិញទៀត ដើម្បីអបអរឱកាសពិសេសនេះ រូបនាងបានបង្ហោះវីដេអូផ្ទាល់ខ្លួន ដែលបង្ហាញពីការសម្ដែងឡើងវិញនៅក្នុងឈុតគេងនៅក្នុងរឿងមួយ ទៀតផង។ 

ក្នុងនោះដែរ តារាស្រីរូបនេះ បានសម្ដែងពី ការដេកនៅលើខ្សែពួរ ក៏ដូចជាធ្វើចលនាស្រស់ស្អាត និងបានបង្ហាញពីភាពបត់បែនដ៏ទាក់ទាញ។ អ្វីដែលសំខាន់ Carman Lee ថែមទាំងបានមកជាមួយនឹងការតុបតែងខ្លួន ក្នុងឈុតហាត់ប្រាណ បញ្ចេញសម្រស់ច្បាស់ៗ ព្រមទាំងរូបរាង​ស្លីមតូចស្អាត និងក្មេងជាងវ័យ។

មិនត្រឹមតែប៉ុណ្ណោះ តារាស្រីរូបនេះ ក៏បានបញ្ជាក់ថា ខ្លួនមិន​ខ្លាច​ចាស់​ទេ ប៉ុន្តែខ្លាច​តែ​រស់​នៅ ដោយគ្មាន​គោល​បំណង ម៉្យាងវិញទៀត នាងបានបង្ហាញពី​​អារម្មណ៍​ដឹងគុណ ដែល​នាង​នៅ​តែ​មាន​ភាព​សកម្ម​ និង​សម្រស់វ័យក្មេងគួរឲ្យសរសើរ នៅក្នុង​អាយុ​ជាង ៥០​ឆ្នាំ​របស់​នាង ផងដែរ៕

ប្រភព៖ Ngoisao.vn

សូមទស្សនារូបភាពខាងក្រោម៖