ម៉ារីម៉ា បែរជាត្រូវគេថាឲ្យ ដោយសារតែធ្វើបែបនេះ ជាមួយកូនស្រី

បរទេស៖ ថ្មីៗនេះ តារាស្រី Marian Rivera បានបង្ហោះរូបថតជាបន្តបន្ទាប់នៅលើ Instagram ដែលមានការបង្ហាញខ្លួន ជាមួយនឹងកូនស្រីជាទីស្រឡាញ់របស់នាង Zia និងបានរៀបចំស្លៀកសម្លៀកបំពាក់យ៉ាងលេចធ្លោ ដើម្បីរំលេចសម្រស់ដ៏ស្រស់សោភារបស់នាង។ 

ប៉ុន្តែអ្វីដែលគួរចាប់អារម្មណ៍ជាងនេះនោះគឺ ម្តាយនិងកូនស្រីអ្នកទាំងពីរ បានបង្ហាញនូវស្នាមញញឹមយ៉ាងភ្លឺស្វាង ក៏ដូចជាសកម្មភាពថើបគ្នា ​យ៉ាង​ផ្អែមល្ហែម ដែលធ្វើឲ្យមហាជនជាច្រើន អាចសង្កេតឃើញថា តារាស្រីរូបនេះ នៅតែរក្សាទម្លាប់នៃការថើបក្មេងស្រី នៅលើបបូរមាត់ ទោះបីជាកូនស្រីមានអាយុ ៦ ឆ្នាំក៏ដោយ។

យ៉ាងណាមិញ សម្រាប់កាយវិការបែបនេះ ក៏មានអ្នកនិយមលេងអ៊ីនធឺណិតជាច្រើន ហាក់ដូចជាមិនពេញចិត្ត និងលើកឡើងថា តារាស្រីរូបនេះមានមុខក្រាស់ ដែលត្រូវ​បាន​គេ​រំលឹក​ម្តង​ហើយ​ម្តង​ទៀត​ ប៉ុន្តែនាងនៅតែមិនខ្វល់ និងនៅតែរក្សាទម្លាប់ថើបបបូរមាត់មនុស្សស្រី បើទោះបីជា ត្រូវបានណែនាំក៏ដោយ៕ 

ប្រភព៖ Ngoisao.vn

សូមទស្សនារូបភាពខាងក្រោម​៖