ថាបើមិនប្លែកកុំហៅម៉ែ មុំ មកលើកណា មិនដែលឲ្យហ្វេនខកចិត្ត

មណ្ឌលគិរី៖  ជាការពិតណាស់ ដោយសារតែ មានទេពកោសល្យនៅក្នុងការងារសិល្បៈ ព្រមទាំងមានស្ទាយ៍តែងខ្លួនដ៏ពេញនិយម មិនថាពេលវេលាណាក៏ដោយ ទើបតារាស្រី គង់ ចាន់ស្រីមុំ បានក្លាយជាទីចាប់អារម្មណ៍របស់អ្នកទស្សនា និងហ្វេនៗជាច្រើន និងតែងតែតាមដានពីជីវិតប្រចាំថ្ងៃរបស់នាងជានិច្ច។     

តួយ៉ាងថ្មីៗនេះ គង់ ចាន់ស្រីមុំ ក៏បានធ្វើឲ្យបណ្ដាអ្នកគាំទ្រ កាន់តែមានភាពជក់ចិត្តជាថ្មីម្ដងទៀត នៅក្នុងដំណើរកម្សាន្តមួយ  ជាមួយនឹងក្រុមគ្រួសារយ៉ាងរីករាយនៅលើទឹកដីខេត្តមណ្ឌលគិរី ដែលខណៈរូបនាងផ្ទាល់ ថែមទាំងបានចេញមកបង្ហាញខ្លួនជាមួយស្ទាយ៍ដ៏ប្លែកលាយលំនិងភាពស៊ិចស៊ី ផងដែរ។     

ជាក់ស្ដែង កាលពីម្សិលមិញនេះ នាងបានបង្ហោះរូបភាពជាច្រើនសន្លឹក ដែលធ្លោឲ្យអ្នកគាំទ្រជាច្រើន មិនសរសើរមិនបាន  ដោយបានមកជាមួយនឹង ឈុតសម្លៀកបំពាក់ដ៏ស៊ិចស៊ី ពណ៌ផ្កាម៉ោងដប់ស្បៃសំពីងសំពោង បង្ហាញជើងស្រឡូន និងសាច់ភ្លៅស ដែលមិនដែលធ្វើឲ្យហ្វេនខកចិត្តម្ដងណាឡើយ ជាពិសេសស្ទាយ៍តែងខ្លួនរបស់នាងតែម្ដង ហើយរាល់ពេលដែលនាង តែងខ្លួនម្ដងៗពិតជាស្រស់ស្អាត និង លេចធ្លោជាខ្លាំង៕

សូមទស្សនារូបភាពខាងក្រោម៖