ប្រកាសសុំរៀបការរួចហើយ សុខៗ Jason Young បែរជួបរឿងប្រេះឆាទៅវិញ

January 4, 2022

ថៃ៖ ថ្មីៗនេះ វាបានក្លាយជាបញ្ហាដែលត្រូវបានហ្វេនៗជាច្រើនតាមដាន បន្ទាប់ពីមានព័ត៌មានលេចឮថា នៅលើបណ្ដាញសង្គម Instagram របស់តារាសម្ដែង លោក Jason Young បានបន្សល់ទុកតែរូបភាពប៉ុន្មានសន្លឹកតែប៉ុណ្ណោះ។

ជាពិសេស បើសូម្បីតែរូបថត Pre-wedding ជាមួយនឹងគូស្នេហ៍ ដែលបានបង្ហោះកាលពីដើមឆ្នាំ ២០២១ ក៏បានបាត់ចេញផងដែរ រហូតធ្វើឲ្យមហាជន មានការសង្ស័យពីរឿងប្រេះឆា ក្នុងទំនាក់ទំនងស្នេហារបស់តារាប្រុសរូបនេះ។

លើសពីនេះ លោក Jason Young ថែមទាំងបានបង្ហោះសារ តាមរយៈ Instagram និងបានបញ្ជាក់ពីបញ្ហាមួយនេះ ដោយបានលើកឡើងថា៖

ខ្ញុំគ្រាន់តែជាមនុស្សធម្មតា ខ្ញុំមិនបានស្រេកឃ្លាន មិនបានបំពានច្បាប់ ខ្ញុំមិនបានធ្វើខុសអ្វីទេ ខ្ញុំមានសិក្ខាបទទាំង៥គ្រប់។ មិនចាំបាច់មកអាណិត ឬសង្ស័យទេ។ ខ្ញុំមិនខ្វល់ថានឹងមកហាមឃាត់ខ្ញុំ ខ្ញុំមិនខ្លាចទេ ខ្ញុំលក់ជំនាញរបស់ខ្ញុំ ខ្ញុំមិនលក់ព័ត៌មានដើម្បីបង្កើតនិន្នាការទេ។ អ្នកត្រូវតែគោរពអ្នកដទៃ។ អ្នកទីបីអាចនឹងត្រូវខូចខាតដោយសារតែព័ត៌មាន ខណៈដែលគេនៅស្ងាត់ៗ។ កុំលេងសើចនឹងព័ត៌មាន អ្នកអាចពិនិត្យមើលបាន បើអ្នកចង់លេង គឺលេងខ្ញុំតែម្នាក់ឯង បានហើយ។ សូមអរគុណអ្នកសារព័ត៌មាន និងភ្នាក់ងារព័ត៌មានដែលមានក្រមសីលធម៌។
— Jason Young

យ៉ាងណាមិញ តាមរយៈនេះ វាហាក់ដូចជាមិនទាន់បានបញ្ជាក់យ៉ាងច្បាស់នៅឡើយទេ ថាបញ្ហាកើតពីការសង្ស័យរបស់មនុស្សជាច្រើននឺងជាយ៉ាងណា ប៉ុន្តែក៏មានការគាំទ្រមតិយ៉ាងលើសលប់ពីសំណាក់ហ្វេនៗ រួមទាំងមិត្តជាច្រើនទៀត ផងដែរ៕

ប្រភព៖ Kapook

សូមទស្សនារូបភាពខាងក្រោម៖

ទាក់ទងជាមួយ:

តារាថៃ

អានបន្ថែម