ប្រគុំតន្រ្តីអនឡាញ២ថ្ងៃ BTS រកចំណូលបាន៧១លានដុល្លារ

កូរ៉េខាងត្បូង៖ ក្រុមចម្រៀងបុរសសកល BTS ត្រូវបានគេរាយការណ៍ មកថាអាចទាញបានប្រាក់ចំណូល ប្រហែល ៧១,៦ លានដុល្លារ ក្នុងអំឡុងពេលពីរថ្ងៃ ក្នុងការប្រគុំតន្រ្តីតាមរយៈអនឡាញរបស់ពួកគេពី «SOOWOOZOO MUSTER»។

ផ្អែកលើសេចក្តីប្រកាសព័ត៌មានរបស់ Big Hit Music  បានស្ទង់តួលេខថា​ ការប្រគុំតន្រ្តីអនឡាញនេះ មានអ្នកចូលទស្សនាច្រើនជាង ១,៣៣ លាននាក់ ដែលមកពី ១៩៥ មកពីបណ្តាលប្រទេសប្រទេសផ្សេងៗគ្នា នៅលើពិភពលោក។

ជាមួយគ្នានេះ តាមប្រភពបានបន្តទៀតថាប្រគុំតន្រ្តីអនឡាញនេះ មានតម្លៃសំបុត្រធម្មតារហូតទៅដល់ ៤៤,៣០ ដុល្លារ និងសំបុត្រទស្សនាក្នុងកម្រិត 4K មានតម្លៃរហូតដល់ ៥៣,៣០ ដុល្លារ ដែលគណនាតួលេខនៃការលក់សំបុត្រគេអាចប្រមាណបានថា ក្រុមចម្រៀងបុរសមួយនេះ អាចរកចំណូលបានទៅដល់ ច្រើនជាង ៧១លានដុល្លារឯណោះ៕

ប្រភព៖ koreaboo

សូមទស្សនារូបភាពខាងក្រោម៖