និពន្ធខ្លួនឯងហើយ IU ថែមទាំងឲ្យផលិតករដាក់ចម្រៀងនាងក្នុងរឿងFree

កម្សាន្ត៖ ជាការពិតណាស់​ ខ្សែភាពយន្ដភាគកូរ៉េ The Sound Of Magic កំពុងតែឆកយកដួងចិត្តអ្នកទស្សនាជាច្រើនតាមរយៈសាច់រឿងបែប សិល្ប៍ និង អាថ៌កំបាំង។ ជាពិសេស បទចម្រៀងនៅក្នុងរឿងនោះ ដែលមានចំណងជើងថា Kneel ក៏កំពុងតែធ្វើឲ្យ ទស្សនិកជន អន្លង់អន្លោចទៅតាមសាច់រឿងផងដែរ។

អ្វីដែលគួរឲ្យចាប់អារម្មណ៍នោះ អ្នកផលិតបានទម្លាយថា IU បានផ្ដល់សិទ្ធឲ្យក្រុមការងារដាក់ចម្រៀងនេះ ដោយមិនគិតតម្លៃអ្វីទាំងអស់ និយាយរួមគឺ ហ្វ្រីៗ។ លើសពីនោះ ចម្រៀងមួយបទនេះ បាននិពន្ធឡើងដោយ តារាស្រីដ៏ល្បីល្បាញ IU និងច្រៀងដោយ តារាចម្រៀង Hong Jungmin។​

មិនតែប៉ុណ្ណោះ លោក Kim Seongyoon ដែលជាអ្នកដឹកនាំ​ បានបង្ហាញការត្រេកអរនិងអរគុណដល់ តារាចម្រៀងស្រីទោលរូបនេះជាខ្លាំង ដោយសារតែពួកគេមានភាពស្និទស្នាលនឹងគ្នា ដែលកាលពីមុនធ្លាប់បានរួមការងារម្ដងនៅក្នុងរឿង Dream High ដែលទទួលបានការគាំទ្រជាខ្លាំងកាលពីជាង១០ឆ្នាំមុន៕

ប្រភព៖ GStarLive