ទិដ្ឋភាពផ្ទះថ្មីតម្លៃរាប់លាន Song JoongKi ឡើងប្រណីត ត្រៀមទៅនៅ ក្រោយរៀបការប្រពន្ធថ្មី

កូរ៉េខាងត្បូង៖ ថ្មីៗនេះ តាមរយៈប្រភពព័ត៌មាន Gukjenews បានរាយការណ៍ថា តារាសម្ដែង លោក Song Joong Ki បានទិញផ្ទះវីឡាប្រណីតមួយនៅ Cheongdam-dong, Gangnam-gu, ទីក្រុងសេអ៊ូល ព្រមទាំងជាទីកន្លែង ដែលលោក និងប្រពន្ធ នាង Katy Louise Saunders នឹងផ្លាស់មកនៅទីនេះ បន្ទាប់ពី ផ្ទះនេះ ត្រូវបានរៀបចំរួចរាល់។

តាមប្រភពដដែលនេះ បានឲ្យដឹងថា តម្លៃទីផ្សារនៃផ្ទះគឺ ១៥ពាន់លានវ៉ុន (ប្រហែល ១២លានដុល្លារ)។ ជាពិសេស បើក្រឡេកមកមើលរូបភាព នៃអគារផ្ទះដ៏ស្កឹមស្កៃលំដាប់ខ្ពស់មួយ គឺពិតជាមានការ រចនាយ៉ាងប្រណីត ទាំងបរិយាកាសខាងក្នុង ជាមួយនឹងគ្រឿងប្រើប្រាស់ និងគ្រឿងលម្អផ្សេងៗ និងខាងក្រៅ អមនឹងទិដ្ឋភាពនៃទន្លេហាន ទៀតផង។

យ៉ាងណាមិញ កាលពីកន្លង​មក​ ខាង Dispatch ក៏បាន​និយាយ​ថា ​អ្នក​ទាំង​ពីរ​ បាន​រស់​នៅ​ក្នុង​វីឡា​ប្រណីត មួយក្នុង Hannam-dong ទីក្រុង​សេអ៊ូល ដែលផ្ទះ​មួយនេះដំបូងឡើង គឺ​ត្រូវ​បាន​សាង​សង់​សម្រាប់​តារា​សម្ដែង​រូប​នេះ​រស់នៅ​ជាមួយ​អតីត​ភរិយា។ តែបន្ទាប់ពី Katy Louise Saunders មានផ្ទៃពោះ អ្នកទាំងពីរ ក៏បានផ្លាស់ទៅរស់នៅក្នុងវិមានតម្លៃ ២០ ពាន់លានវ៉ុន (ប្រមាណ ១៦ លានដុល្លារអាមេរិក) នៅ Itaewon ៕

ប្រភព៖ Zingnews

សូមទស្សនារូបភាពខាងក្រោម៖