ចៃដន្យពេកហើយអាយដលទាំងពីរ! Jennie និង​ Dua Lipa តែងពាក់ឈុតស្ទាយ៍ដូចគ្នាច្រើនដង

កម្សាន្ត៖ តារាចម្រៀងដ៏ល្បីល្បាញទាំងពីរដួងនេះ ជាតារាសំណព្វចិត្តមហាជន ជាពិសេសយុវវ័យសុទ្ធតែស្រលាញ់គាំទ្រពួកគេ។ Jennie គឺជាតារាចម្រៀង Kpop សមាជិកក្រុមនារី Blackpink ដែលមានប្រជាប្រិយភាពខ្លាំងទូទាំងពិភពលោក ចំណែកឯ Dua Lipa ក៏មិនខុសគ្នាប៉ុន្មានដែរ នាងជា តារាចម្រៀង Pop ដែលជោគជ័យម្នាក់។   

តារាស្រីទាំងពីរមានសម្រស់ស្រស់ស្អាតមិនចាញ់គ្នានោះទេ ម្នាក់បែបអាស៊ីនិងម្នាក់បែបអឺរ៉ុប ដែលត្រូវចិត្តយុវវ័យមែនទែន។ អ្វីដែលគួរឲ្យចាប់អារម្មណ៍ទៀតនោះ កំពូលតារាស្រីទាំងពីរនាក់នេះ គេសង្កេតឃើញថា ស្ទាយ៍ម៉ូតសក់ស្រដៀងគ្នា និងស្លៀកឈុត ដូចគ្នាច្រើនដង។ 

ប៉ុន្ដែទោះបីយ៉ាងណាក៏ដោយ ពួកគេមានមន្ដស្នេហ៍រៀងៗខ្លួនទោះស្លៀកពាក់ឈុតដូចគ្នាយ៉ាងនេះ ក៏មើលទៅ Jennie និង Dua Lipa មានភាពខុសគ្នាដែរ ព្រោះ Jennie លេងខ្លួនបែបអាស៊ី ចំណែកឯ Dua Lipa តែងខ្លួនស៊ិចស៊ីបែបបរទេស៕