ទ្រាំលែងបានហើយ! ទិនហ្វីគម្រាមប្តឹងបវរកញ្ញា ហុងកុង ប្រសិនបើមិនលុបរូបដែលបង្កពាក្យចចាមអារ៉ាម

ហុងកុង៖ នៅខែសីហាតារាកំប្លែងអាយុ ៥៩ ឆ្នាំ Stephen Chow ត្រូវបានគេនិយាយថាមានទំនាក់ទំនងស្នេហាជាមួយក្មេងស្រីអាយុ ១៧ ឆ្នាំ ដែលជាបវរកញ្ញាក្នុងការប្រកួតប្រជែងបវរកញ្ញាហុងកុង ២០២១ ឈ្មោះ Ukei Cheung បន្ទាប់ពីពួកគេត្រូវបានគេប្រទះ ឃើញជិះទូកកម្សាន្តជាមួយគ្នាទៅជប់លៀងនិងលេងកីឡាទឹក។

បើយោងតាម ប្រព័ន្ធផ្សព្វផ្សាយនានា បានហៅទំនាក់ទំនងរបស់ពួកគេថាជា“ ស្នេហារវាងតានិងចៅ” ដោយសារគម្លាតអាយុ ៤២ ឆ្នាំរវាងពួកគេ។ តែយ៉ាងណា មិនយូរប៉ុន្មាន ជំនួយការរបស់ទិនហ្វី បានចេញមុខធ្វើការបដិសេធពាក្យចចាមអារាមដែលនិយាយថា“ មានមនុស្សមួយក្រុមធំ” នៅលើទូកជាមួយពួកគេនៅថ្ងៃនោះហើយទិនហ្វីនិង Cheung“ ស្ទើរតែមិនស្គាល់គ្នា” ។ ទោះយ៉ាងណាក៏ដោយវាហាក់ដូចជាការបដិសេធសាមញ្ញមិនគ្រប់គ្រាន់ទេ។

ប្រព័ន្ធផ្សព្វផ្សាយនៅទីក្រុងហុងកុងបានបែកធ្លាយព័ត៌មាននៅថ្ងៃទី ២ ខែកញ្ញា ថាទិនហ្វី បានផ្ញើលិខិតរបស់មេធាវីទៅឱ្យ Cheung ដោយបញ្ជាឱ្យនាងលុបរូបថតទាំងអស់ដែលនៅលើទូកចេញពីប្រព័ន្ធផ្សព្វផ្សាយសង្គម បើមិនដូច្នេះទេ នឹងមានវិធានការផ្លូវច្បាប់បន្ថែមទៀតចំពោះនាង។

យោងតាមលិខិតនោះ ទិនហ្វីបានជូនដំណឹងដល់ Cheung និងអ្នកផ្សេងទៀតដែលបានទៅដើរជាមួយពួកគេនៅថ្ងៃនោះ ថាពួកគេត្រូវបានហាមឃាត់យ៉ាងតឹងរ៉ឹងមិនឱ្យថតរូបនៅខាងក្នុងទូកឬសូម្បីតែថតរូបពីក្រោយ។  វាហាក់ដូចជាមនុស្សគ្រប់គ្នាយល់ស្របនឹងលក្ខខណ្ឌរបស់ទិនហ្វី ប៉ុន្តែនៅពេលដែលពាក្យចចាមអារាមពីទិនហ្វីនិង Cheung លេចចេញមក ទិនហ្វី សង្ស័យថាមាននរណាម្នាក់បំពានច្បាប់ថាមិនថតរូប នៅលើទូក ដែលអាចនាំឱ្យមានពាក្យចចាមអារ៉ាមស្នេហាទាំងនេះមកដល់ឥឡូវ។ ភាពចម្រូងចម្រាសនេះក៏ហាក់ដូចជាបាននាំឱ្យ ទិនហ្វី ទៅរកគណនី Instagram របស់បវរកញ្ញា Cheung ដែលមានរូបថតមួយចំនួនរបស់នាងនៅលើទូក។

ដោយសារឧប្បត្តិហេតុទាំងមូលមាន“ ផលអាក្រក់” លើស្តេចកំប្លែងរូបនេះ ទិនហ្វី បានសុំឱ្យបវរកញ្ញា Cheung ដោះស្រាយបញ្ហានេះភ្លាមៗដោយលុបរូបភាពទាំងអស់ដែលបង្ហាញពីសកម្មភាពលើទូករបស់នាង ហើយសន្យាថានឹងមិនចែករំលែកការផ្សាយបន្តទៀតទេ។

តែយ៉ាងណា វាមិនត្រូវបានបញ្ជាក់ថាតើចូវបានស្នើសុំដូចគ្នាចំពោះអ្នកណាផ្សេងទៀតដែលបានធ្វើដំណើរតាមទូកជាមួយពួកគេនោះទេ។ ក្នុងនោះ ទិនហ្វី នឹងប្តឹងបវរកញ្ញា Cheung ហើយទាមទារថ្លៃសំណងនិងការចំណាយផ្លូវច្បាប់ទាំងអស់ពីនាង ប្រសិនបើនាងត្រូវបានរកឃើញថាមិនអើពើនឹងការណែនាំរបស់គាត់៕

ប្រភព៖ The independent