អាចទេ Jennie គ្រងរាជ្យបន្តពី Suzy ក្លាយជា Queen ថតស្ប៉ត?

កូរ៉េខាងត្បូង៖ វេបសាយ SCMP បានហៅ Jennie ជាតារាស្រីដ៏ល្បីមួយរូប ដែលមិនត្រឹមតែជាតារា K-pop ក្នុងក្រុមចម្រៀងនារី BLACKPINK នោះទេ ប៉ុន្តែរូបនាងបានសាងកេរ្តិ៍ឈ្មោះដ៏ល្បីល្បាញ ក៏ដូចជាទទួលបានសមិទ្ធិផលជាច្រើនក្រៅពីអាជីពសិល្បៈរបស់នាង។

តួយ៉ាងតារាស្រីកើតឆ្នាំ ១៩៩៦ រូបនេះ បានក្លាយជាសមាជិកក្នុងក្រុម បានផ្សព្វផ្សាយជាតារាចម្រៀងទោលដំបូងគេបង្អស់ ថែមទាំងទទួលបានជោគជ័យគួរឲ្យកត់សម្គាល់ផងដែរ។ មិនត្រឹមតែប៉ុណ្ណោះ Jennie ក៏ជាម្នាក់ក្នុងចំណោមតារា Kpop សញ្ជាតិកូរ៉េ ដែលមានអ្នកតាមដានច្រើនជាងគេនៅលើ Instagram ដែលទទួលបានច្រើនជាង ៤៤ លាននាក់។

មិនត្រឹមតែប៉ុណ្ណោះ Jennie គឺជា «CF of Princess » ដែលទទួលបានការស្វាគមន៍ពីសំណាក់ក្រុមហ៊ុនល្បីៗ ជាច្រើនក្នុងពិភពលោកក្នុងនាមជាតំណាងម៉ាកប្រ៊េនល្បីៗ ដោយក្នុងរយៈពេលតែ ២ ឆ្នាំចុងក្រោយ បានចុះកិច្ចសន្យាផលិតផលក្នុងស្រុកជាច្រើនផងដែរ រួមទាំងជាឯកអគ្គរដ្ឋទូតម៉ាកប្រ៊េនល្បីរបស់ Chanel។ 

យ៉ាងណាមិញ មានអ្នកវិភាគជាច្រើន បានលើកឡើងថា នាពេលអនាគតសមាជិក BLACKPINK រូបនេះនឹងអាចយកវ៉ាដាច់ តារាស្រីជួរមុខ Suzy ដែរឬទេ ដែលគេត្រូវបានឲ្យដឹងថា អតីតសមាជិក ក្រុមចម្រៀង MissA រូបនេះ ត្រូវបានគេដាក់ងារ ជា «CF of Queen» (ម្ចាស់ក្សត្រីផ្សាយពាណិជ្ជកម្ម)៕

សូមទស្សនារូបភាពខាងក្រោម៖