ថៃ៖ Pat Napapa ត្រូវបានចាត់ទុកថា ជាតារាស្រីដ៏មានសមត្ថភាព និងជាអ្នកម្ដាយដ៏ល្អមួយរូប ដែលខិតខំធ្វើការ និងមើលថែកូនប្រុសតែម្នាក់ឯងបានយ៉ាងល្អ ក្រោយពីចែកផ្លូវគ្នាជាមួយនឹងអតីតស្វាមី។
ទោះបីជាមានឈ្មោះជាមេម៉ាយកូនមួយក្ដី តែជីវីតរបស់តារាស្រីរូបនេះ នៅមានភាពស្រស់បំព្រងឡូយឆាយស៊ីវីល័យយ៉ាងខ្លាំង ដោយកាលពីថ្មីៗនេះ នៅក្នុងឱកាសខួបកំណើតគម្រប់ ៣៥ ឆ្នាំរបស់ខ្លួន តារាស្រី Pat Napapa បានទិញឡានថ្មីមួយគ្រឿង ជាកាដូខួបកំណើតសម្រាប់ខ្លួនឯង។ ជាពិសេសនោះ ឡានថ្មីរបស់តារាស្រីរូបនេះ គឺជាឡានស៊េរីទំនើប ម៉ាក Porsche Macan Compact SUV ដែលមានតម្លៃប្រហែល ៤,៩ លានបាត (ប្រហែលជាង ១៤ ម៉ឺនដុល្លា) ។
យ៉ាងណាមិញ អាចនិយាយបានថា វាគឺជាកាដូដ៏ធំមួយដែលចេញពីការខិតខំរបស់តារាស្រីរូបនេះ នាំឲ្យហ្វេនៗជាច្រើនបានចូលរួមអបអរសាទរ និងជូនពរថ្ងៃកំណើតចំពោះអ្នកម្តាយរូបស្រស់ម្នាក់នេះគ្រប់ៗគ្នា៕
ប្រភព៖ Kapook
សូមទស្សនារូបភាពខាងក្រោម៖