លើកមុខមាត់ខ្មែរទៀតហើយ មុននេះ គង់ ច័ន្ទណារីយ៉ា និងឆដា មុនីនាថ ឈ្នះមកុដលើឆាកអន្តរជាតិ ទាំងពីរនាក់

ម៉ាឡេស៉ី៖ ពិតជារឿងដ៏គួរឲ្យរំភើបដែលបវរកញ្ញាវ័យក្មេងកម្ពុជាទាំងពីររូប គឺ គង់ ច័ន្ទ ណារីយ៉ា និង ឆដា មុនីនាថ បានប្រកួតយកឈ្នះមកុដឯកពីកម្មវិធីលំដាប់ថ្នាក់អន្តរជាតិ ដែលបានធ្វើឡើងនៅឯប្រទេសម៉ាឡេស៉ី។ 

យ៉ាងណាមិញ គង់ ច័ន្ទណារីយ៉ា បានប្រកួតឈ្នះមកុដប្រចាំកម្មវិធី Miss Teen Global 2023 និង ឆដា មុនីនាថ បានប្រកួតឈ្នះមកុដប្រចាំកម្មវិធី Little Miss Global 2023។ ហើយរឿងដ៏ភ្ញាក់ផ្អើលនឹងរំភើបនេះ កំពុងធ្វើឲ្យមហាជន និងអ្នកលេងបណ្ដាញសង្គម មានមោទនភាពលើអ្នកទាំងពីរគ្រប់គ្នា ដែលទៅប្រកួតទាំងពីរនាក់ ហើយយកឈ្នះជ័យលាភីព្រមគ្នាដូច្នេះ។ 

គួរបញ្ជាក់ផងដែរថា គង់ ច័ន្ទណារីយ៉ា Miss Teen Global 2023 នាងទើបមានអាយុ ១៣ឆ្នាំ ចំណែក ឆដា មុនីនាថ Little Miss Global 2023 នាងមានអាយុ ១២ឆ្នាំប៉ុណ្ណោះ៕ 

សូមទស្សនារូបភាពខាងក្រោម៖