Miss Asia Global កម្ពុជា២០២២ កាន់តែដូចតុក្កតាបាប៊ី

ភ្នំពេញ៖ ម្ចាស់ពាន Rising Star កម្មវិធីប្រកួតបវរកញ្ញា Miss Teen International Cambodia កញ្ញា ប៉ាង ពេជ្ររចនា ថ្មីៗនេះ នាងទើបតែទទួលបានតំណែងថ្មីគឺ Miss Asia Global Cambodia 2022។ ពិតណាស់ យុវតីរូបនេះ នឹងចេញទៅប្រកួតលើ ឆាកអន្តរជាតិនៅខែកញ្ញាខាងមុខនេះ នៅឯប្រទេសម៉ាឡេស៊ី។ 

យ៉ាងណាមិញ កញ្ញា ប៉ាង ពេជ្ររចនា នាងមានទាំងសមត្ថភាព ភាពក្លាហាន និងចំណេះដឹង ជាពិសេសអាចប្រើប្រាស់ភាសាអង់គ្លេសបានយ៉ាងល្អ មិនឲ្យហ្វេនៗខកបំណងឬព្រួយបារម្ភរឿងប្រើប្រាស់ភាសាឡើយ។ ហើយរង់ចាំមើលទាំងអស់គ្នា ថាតើយុវតីរូបនេះ អាចឈ្នះមកុដពីកម្មវិធី Miss Asia Global ដែរឬទេ? 

តួយ៉ាង បើក្រឡេកទៅមើលរូបសម្ផស្ស កញ្ញា ប៉ាង ពេជ្ររចនា ឃើញថាសម្រស់នាងកាន់តែស្អាតប្លែក ពេលតុបតែងខ្លួនពាក់មកុដនិង ឈៀង តំណាង Miss Asia Global Cambodia យ៉ាងដូច្នេះ។ មិនតែប៉ុណ្ណោះ រូបភាពថ្មីជាច្រើនសម្លឹកនេះ កាន់តែមើលកាន់តែស្អាតដូចតុក្កតាបាប៊ីយ៉ាងដូច្នោះដែរ៕ 

សូមទស្សនារូបភាពខាងក្រោម៖