ត្រៀមជើងនៅ? ខ្មែរក៏មិនចាញ់ស្រុកគេទេ វណ្ណដា ធ្វើSKULLTOUR សុទ្ធតារាល្បីៗ
ភ្នំពេញ៖ ក្រោយពីប្រកាសពីការប្រគុំតន្រ្តីជាផ្លូវការ SKULL TOUR របស់តារាចម្រៀងរ៉េប វណ្ណដា ដែលនឹងប្រារព្ធ ក្នុងខែនេះ បានធ្វើឲ្យហ្វេន ៗ មានការសប្បាយចិត្តជាខ្លាំង ក្នុងការបង្កើតព្រឹត្តិការណ៍មួយនេះ ជាពិសេសនោះ ថែមទាំងមានការ ចូលរួមជាភ្ញៀវកិត្តិយស ក្នុងការប្រគុំតន្រ្តីមួយនេះផងដែរ។
ជាលើកដំបូងបំផុត ដែលការប្រគុំតន្រ្តី លោក វណ្ណដា នឹងមានការចូលរួមពីសិល្បករជាច្រើន ដែលមកពីប្រទេសថៃ ក៏ដូចជាផលិតកម្ម HypeTrain នៅប្រទេសកម្ពុជាផងដែរ ដែលបានបង្កឲ្យមានការភ្ញាក់ផ្អើលជាខ្លាំង ទៅនឹងភ្ញៀវកិត្តិយសដ៏ជាច្រើនរូបនេះ។
ជាមួយគ្នានេះដែរ ការប្រកាសសិល្បករជាច្រើនដួងនេះ ត្រូវបានចូលរួមជាពិសេស ទៅនឹងតារាចម្រៀង OG BOBBY Sprite GUYGEEGEE និងថែមទាំង ESkiimo ទៀតផង ដែលនឹងធ្វើការសម្ដែងពិសេសនៅឯ SKULL TOUR ភ្នំពេញ។
អ្វីដែលជាពិសេសនោះ ក៏មានការចូលរួមការសម្ដែងពីសិល្បករ សិល្បការិនីជាច្រើនទៀតមកពីផលិតកម្ម Baramey Production មានដូចជាតារាចម្រៀងស្រី កៅ សុភា ប៉ូឡារិច វណ្ណថាន និង La Cima Cartel ជាដើម៕
យ៉ាងណាមិញ សំបុត្រគ្រប់ការប្រគំតន្រ្ដីនឹងមានដាក់លក់ក្នុងពេលដំណាលគ្នា នាថ្ងៃទី ០៩ ខែ សីហា ខាងមុខនេះ!
សូមទស្សនារូបភាពខាងក្រោម៖
ប្រភពរូបភាព៖ The Vannda
