ថែរាងឬយ៉ាងណា? ឃើញរូបនេះ Angelina ស្គមសល់ស្បែកដណ្ដប់ឆ្អឹង

បរទេស៖ តារាស្រីជើងចាស់លំដាប់ហូលីវូដ អ្នកស្រី Angelina Jolie នៅតែទទួលបានការស្រលាញ់គាំទ្រច្រើនលើសលប់ ពីសំណាក់មហាជនស្ទើរទទូទាំងប្រទេស ដោយសារតែទេពកោល្យដ៏ជំនាញក្នុងការសម្ដែង។ លើសពីនេះអ្នកស្រី ក៏ត្រូវបានមហាជនអ្នកគាំទ្រគោរពនិង ឲ្យនាមជាស្ត្រីចិត្តធម៌ដែលតែងតែជួយសង្គ្រោះដល់កុមាកំព្រានិងជនរងគ្រោះក៏ដូចជាចូលរួមមការពារសិទ្ធិមនុស្សនានាផងដែរ ។

មិនតែប៉ុណ្ណោះ កន្លងទៅតារាស្រីរូបនេះ ក៏ត្រូវបានអ្នកគាំទ្រឲ្យឈ្មោះថាជា តារាស្រីកំពូលសម្រស់ស៊ីដាច់គេទៀតផង ។  ជាងនេះទៅទៀត Angelina Jolie ថែមទាំងត្រូវបានគេថា ជានារីដែលមានភាពសាមញ្ញាតែមានមន្តស្នេហ៍ខ្លាំង ព្រមទាំងភាពពិសេសនៃបុគ្គលិកលក្ខណៈដែលលេចចេញនូវភាពរឹងមាំ តែមិនក្រអឺតក្រទមនោះទេ។  

យ៉ាងណាមិញ នៅក្នុងអាយុ ៤៦ ឆ្នាំ Angelina Jolie ហាក់មានការប្រែប្រួលរូបរាងគួរឲ្យកត់សម្គាល់ ដែលធ្វើឱ្យអ្នកនិយមលេងអ៉ីនធឺណែតចាប់អារម្មណ៍យ៉ាងខ្លាំងនោះគឺរាងកាយស្គមស្គាំងរបស់នាង។ ជាក់ស្ដែង ដូចការបង្ហាញខ្លួនថ្មីៗនេះ របស់ Angelina នៅពេលដែលតារាសម្ដែងរូបនេះមានសភាពស្បែកដៃឡើងជ្រីវជ្រួញ ដែលធ្វើឱ្យអ្នកគាំទ្រមានការព្រួយបារម្ភយ៉ាងខ្លាំង ពីសុខភាពរបស់អ្នកម៉ាក់កូន ៦រូបនេះ។

លើសពីនេះ ដោយសារ រាងកាយរបស់ Angelina Jolie ដែលមានកម្ពស់ខ្ពស់រួចទៅហើយនោះ ពេលនេះបែរជាស្រកទម្ងន់ជាបន្តបន្ទាប់ បានធ្វើឱ្យនាងមើលទៅដូចជានាង ក្លាយជាមនុស្សស្គមស្គាំងស្បែកដណ្ដប់ឆ្អឹង ហេតុដូច្នេះ បានធ្វើឲ្យតារាស្រីកាន់តែមានសភាពទ្រុឌទ្រោម ថែមមួយកម្រិត៕  

សូមទស្សនារូបភាពខាងក្រោម៖