អាជីពសិល្បៈល្អ តែ មុខជំនួញ Bosco Wong ត្រូវជួបរឿងនេះទៅវិញ

March 7, 2022

ហុងកុង៖ ថ្មីៗនេះ យោងតាមប្រភព HK01 បានរាយការណ៍ថា តារាសម្ដែងប្រុស លោក Bosco Wong បានប្រកាសបិទភោជនីយដ្ឋានបែបលោកខាងលិច នៅហុងកុង ដែលការសម្រេចចិត្តរបស់តារាប្រុសរូបនេះ បានធ្វើឡើង បន្ទាប់ពីរដ្ឋាភិបាលតំបន់ពិសេស បានប្រកាសរឹតបន្តឹង ពីការការពារ ប្រឆាំងជំ.ងឺ.រា.ត.ត្បា.ត ដោយហាមមិនឲ្យទទួលទានអាហារ នៅនឹងកន្លែង រហូតដល់ថ្ងៃទី ២០ ខែមេសា។

នៅក្នុងនោះដែរ លោក Bosco Wong បានចែករំលែកជាមួយនឹងខាងសារព័ត៌មានថា ខ្លួនបានខាតបង់ទឹកប្រាក់ជាង ១៣០០០០ ដុល្លារ ក្នុងរយៈពេលត្រឹមតែ ៣ ខែដំបូងនៃឆ្នាំ ២០២២។ ហើយកាលពីពេលកន្លងមក តារាប្រុសរូបនេះ បានព្យាយាមគ្រប់គ្រង ដើម្បីរក្សាអាជីវកម្មភោជនីយដ្ឋានមួយនេះ ដោយប្រាក់ចំណូលពីសិល្បៈ និងមិនបញ្ឈប់បុគ្គលិក ឬកាត់បន្ថយបុគ្គលិកឡើយ ។ ដោយលោកបាននិយាយថា៖

នេះគឺជាការសម្រេចចិត្តដ៏លំបាកមួយ ខ្ញុំមិនមានដើមទុនគ្រប់គ្រាន់ ដើម្បីបន្តអាជីវកម្មនោះទេ។ ថ្មីៗនេះ ប្រាក់ចំណូលរបស់ខ្ញុំក្នុងវិស័យសិល្បៈក៏ធ្លាក់ចុះច្រើនដែរ ដោយសារ ការរីករាលដាលនៃជំ.ងឺកូវីដ១៩។ ដូច្នេះហើយ ខ្ញុំមិនអាចទ្រាំទ្រនឹងការចំណាយ ពាក់ព័ន្ធនឹងទីតាំងហាង ឬធានាប្រាក់ខែរបស់បុគ្គលិកបានទៀតទេ
— Bosco Wong

តែទោះជាយ៉ាងណាក៏ដោយ បន្ទាប់ពីការខិតខំប្រឹងប្រែងយ៉ាងខ្លាំង អាជីវកម្មភោជនីយដ្ឋានរបស់លោក បានកត់ត្រានូវការខាតបង់ ខណៈពេលដែល វិស័យសិល្បៈហុងកុង បានបញ្ឈប់ប្រតិបត្តិការ ដោយសារតែជំ.ងឺ.រា.ត.ត្បា.ត ផងដែរ ៕

ប្រភព៖ Zingnews

សូមទស្សនារូបភាពខាងក្រោម៖

ទាក់ទងជាមួយ:

តារាចិន

អានបន្ថែម