កាន់តែកក្រើក! ហង្ស សុរិយ៉ាន់ ត្រៀមប្រកួតកម្មវិធី Miss Universe Cambodia ឆ្នាំ២០២១នេះ

តារាកម្សាន្ត: ប្រិយមិត្ត ពុកម៉ែ បងប្អូន ដែលជាអ្នកនិយមគាំទ្រវិស័យប្រកួតបវរកញ្ញា និងដើរបង្ហាញម៉ូត ច្បាស់ណាស់ពិតជាបានស្គាល់ កញ្ញា ហង្ស សុរិយ៉ាន់ អតីតជ័យលាភីលេខ៤ នៃការប្រកួតបង្ហាញម៉ូតក្នុងកម្មវិធី Cambodia Next Top Model នោះ នឹងត្រៀមចូលរួមជាបេក្ខភាពមួយរូបក្នុងការប្រកួតកម្មវិធីបវរកញ្ញាឯកចក្រវាលកម្ពុជា Miss Universe Cambodia ឆ្នាំ២០២១នេះ ដែលនឹងគ្រោងរៀបចំឡើងនាពេលឆាប់ៗខាងមុខនេះ។

សូមរំលឹកផងដែលថា កញ្ញាហង្ស សុរិយ៉ាន់ ជាបេក្ខភាពមួយរូបដ៏មានសមត្ថភាព និងបទពិសោធន៍ចាស់ឆ្នាំនៅក្នុងវិស័យប្រកួតបង្ហាញម៉ូតនេះ ដោយកញ្ញាធ្លាប់បានចូលរួមប្រកួតនៅក្នុងកម្មវិធីប្រកួតជ្រើសរើសតារាបង្ហាញម៉ូត Cambodia Next Top Model ក្នុងឆ្នាំ២០១៥ ទទួលបានចំណាត់ថ្នាក់លេខ៤ និងធ្លាប់ជាតំណាងបេក្ខភាពឲ្យព្រះរាជាណាចក្រកម្ពុជាចូលរួមប្រកួតក្នុងកម្មវិធី Miss Global ឆ្នាំ២០១៩ ដោយជាប់ក្នុងTop ១១នាក់ចុងក្រោយ ព្រមទាំងមានសមត្ថភាពក្នុងការនិយាយជាភាសាអង់គ្លេសបានយ៉ាងល្អផងដែរ៕

ចង់ដឹងថាតើ កញ្ញា ហង្ស សុរិយ៉ាន់ ស្រស់ស្អាតកម្រិតណានោះ សូមទស្សនារូបភាពខាងក្រោមទាំងអស់គ្នា៖