កូរ៉េខាងត្បូង ៖ ជាការពិតណាស់ក្រុមតារាចម្រៀងKpop សព្វថ្ងៃពិតជាមានប្រជាប្រិយភាពណាស់ ជាមួយនឹងទេពកោសល្យរបស់ពួកគេជាពិសេសអ្នកគាំទ្ររបស់ពួកគេក៏មានភ្នែកមុតណាស់ដែរក្នុងការសង្កេតអ្វីម៉្យាងដែលមានភាពខុសប្លែក និងមិនសមរម្យកើតឡើងចំពោះ Idol របស់ខ្លួន ។
ទន្ទឹមនឹងនេះ Stylists របស់ក្រុម Kpop គឺជាការងារមួយដែលមនុស្សជាច្រើនប៉ងប្រាថ្នាព្រោះទទួលបានប្រាក់កម្រៃខ្ពស់ ព្រមទាំងមានឱកាសនៅជិតតារាៗថែមទៀត តែយ៉ាងណាបើប្រហែសតែបន្តិចពួកគេនឹងទទួលរងការរិះគន់យ៉ាងខ្លាំងពីអ្នកគាំទ្រ ក្រោយរៀបចំសម្លៀកបំពាក់ដែលមានទំហំធំជាងខ្លួន និងម៉ូតដែលមិនទាន់សម័យឲ្យ Idols។
ស្របគ្នានេះ ក្នុងឆ្នាំ ២០២១ តារា K-Pop ដ៏ពេញនិយមបំផុតបានឡើងឆាកក្នុងឈុតសម្លៀកបំពាក់ស្អាតៗជាច្រើន ប៉ុន្តែមិនមែនគ្រប់ជម្រើសនៃស្ទីលទាំងអស់សុទ្ធតែទទួលបានការចាប់អារម្មណ៍នោះទេ ខាងក្រោមនេះគឺជាម៉ូដសម្លៀកបំពាក់ទាំង៧ ដែលបង្កភាពចម្រូងចម្រាស ហើយ Stylists របស់ពួកគេក៏រង់ការរិះគន់មិនតិចដែរក្នុងឆ្នាំនេះ។
១. ម៉ូតសម្លៀកបំពាក់របស់ Yuna
អ្នករចនាម៉ូដរបស់ ITZY ត្រូវបានរងការរិះគន់ ក្នុងអំឡុងពេលនៃការផ្សាយឡើងវិញ របស់ក្រុមសម្រាប់បទ «Crazy in Love» ដែលអ្នកគាំទ្រមានការភ្ញាក់ផ្អើលចំពោះឈុតដែលYuna ពាក់ទៅ Music Bank កាលពីថ្ងៃទី២៤ ខែកញ្ញា អ្នកគាំទ្រជាច្រើនមានអារម្មណ៍ថាការស្លៀកពាក់នោះហួសហេតុពេកសម្រាប់តារាវ័យ១៧ ឆ្នាំរូបនេះ ពួកគេបានរិះគន់អ្នករចនាម៉ូដជាពិសេសចំពោះការជ្រើសរើសខោខ្លី សំពត់ខ្លី សម្រាប់ Yuna។
២. សំលៀកបំពាក់ GDA របស់ក្រុម BTS ដែលមិនសាកសម
ស្ទីលសម្លៀកបំពាក់របស់ BTS បានទទួលការរិះគន់ ក្នុងសម្លៀកបំពាក់ដើរលើកំរាលព្រំក្រហម ដែលមិនសមរម្យនៅឯកម្មវិធី GoldenDisc Awards លើកទី ៣៥ អ្នកគាំទ្រយល់ថាស្ទីលនោះសាមញ្ញពេក ហើយសម្លៀកបំពាក់គួរតែត្រូវបានកែសម្រួល ឱ្យសមនឹងសមាជិកកាន់តែល្អជាង ជាអកុសល នេះមិនមែនជាលើកទីមួយទេ ដែលក្រុម Stylist របស់BTS ទទួលបានការរិះគន់ពី ARMY ក្នុងឆ្នាំនេះ។
៣. Stylist កាត់សក់របស់ Song Ji Hyo
កាលពីខែវិច្ឆិកាតារាសម្ដែង SongJi Hyo បានចែករំលែករូបថតមួយសន្លឹក នៃការកាត់សក់ថ្មីរបស់នាង ជាអកុសល មិនមែនគ្រប់គ្នាសប្បាយចិត្តចំពោះការផ្លាស់ប្តូររបស់នាងនោះទេ អ្នកគាំទ្របានទាមទារឱ្យ ភ្នាក់ងាររបស់Song Ji Hyo ផ្លាស់ប្តូរក្រុមអ្នករចនាម៉ូដរបស់នាងបន្ទាប់ពីបានឃើញរូបរាងថ្មីរបស់ Song Ji Hyo នៅក្នុងកម្មវិធី RunningMan អ្នកគាំទ្របានអះអាងថា តារាស្រីរូបនេះមិនមានការតុបតែងខ្លួនសក់ ឬសម្លៀកបំពាក់សមរម្យ អស់រយៈពេលជាច្រើនឆ្នាំមកហើយ ដែលអាចនឹងប៉ះពាល់ដល់មុខមាត់សាធារណៈរបស់នាង។
៤. រ៉ូបរបស់ក្រុម Oh My Girl
ក្រុមStylist របស់ BTS មិនមែនជាក្រុមតែមួយគត់ ដែលបានទទួឡការរិះគន់ក្នុងកម្មវិធី GoldenDisc Awards លើកទី ៣៥ នោះទេ អ្នកគាំទ្រក្រុមOh My Girl ក៏មិនពេញចិត្តនឹង រ៉ូបលើកំរាលព្រំក្រហមរបស់ក្រុមនេះដែរ អ្នករិះគន់មានអារម្មណ៍ថាភាពខុសគ្នានៃលំនាំ ការកាត់ និងក្រណាត់មិនរួមបញ្ចូលគ្នាបានល្អទេ។
៥. ការចោទប្រកាន់ពីការលួចចម្លង
អ្នករចនាម៉ូដរបស់ក្រុម THE BOYZ ប្រឈមមុខនឹងការចោទប្រកាន់ ពីការលួចចម្លងសម្លៀកបំពាក់ទាំងនេះ ដែលពាក់នៅក្នុងកម្មវិធី MCOUNTDOWN សម្រាប់ការសម្តែងបទ «Thrill Ride» អ្នករចនាម៉ូដត្រូវបានចោទប្រកាន់ពីបទចម្លង ម៉ាកប្រណីត DiorHomme ហើយអ្នកគាំទ្រក៏បានបង្ហាញពីភាពស្រដៀងគ្នាផងដែរ។
៦. សំលៀកបំពាក់របស់ក្រុម ITZY ក្នុងកម្មវិធី Knowing Bros
មានការបដិសេធថាសមាជិករបស់ក្រុម ITZYមើលទៅដូចទេពធីតា ក្នុងគ្រប់សំលៀកបំពាក់ ប៉ុន្តែអ្នកគាំទ្រមិនមានអារម្មណ៍ថាសម្លៀកបំពាក់របស់ពួកគេខ្លះមានទំហំធំពេក ហើយក៏មាន ស្នាមជ្រួញនៅសំពត់ថែមទៀត។
៧. ស្បែកជើងរបស់ BTS
នៅ GDAs អ្នកគាំទ្របាននិយាយថា សំលៀកបំពាក់របស់ BTS គឺមិនសមសម្រាប់ពួកគេនោះទេដោយសារតែស្បែកជើងទាំងនេះ គឺជាបញ្ហាសុវត្ថិភាពនៅក្នុងប្រគុំតន្ត្រីរបស់ BTSសម្រាប់ការរាំនៅលើឆាក នៅឯពហុកីឡដ្ឋានជាតិអូឡាំពិកតែ Jin និង J-Hope បានពាក់ស្បែកជើងដែលមានទំហំធំពេក សម្រាប់ពួកគេ ធ្វើឲ្យអ្នកគាំទ្រព្រួយបារម្ភថា ការរាំក្នុងស្បែកជើងធំទាំងនេះអាចប៉ះពាល់ដល់សុវត្ថិភាពរបស់សមាជិក៕
ប្រភព : Koreaboo