បុរសម្នាក់នេះហើយ ជាអ្នកបង្កើតវីដេអូញុំាអាហារ Mukbang ដំបូងគេ ដែលធ្វើឲ្យល្បីល្បាញជុំវិញពិភពលោកសព្វថ្ងៃ

កម្សាន្ត៖ កម្មវិធីញុំាអាហារ Mukbang គឺជាកម្មវិធីមួយដែល Youtuber ម្នាក់បានបង្កើតឡើង ដោយនៅក្នុងវីដេអូអ្នកត្រូវតែញុំាអាហារ ជាច្រើនមុខនិងបរិមាណច្រើន ដើម្បីបង្ហាញដល់អ្នកទស្សនា។ កម្មវិធីមួយនេះបានកើតឡើងពី តារា Youtube ជនជាតិកូរ៉េម្នាក់ ដែលលោកជាអ្នកចាប់ផ្ដើមមុនដំបូងបង្អស់ ហើយក៏បានធ្វើឲ្យអ្នកទស្សនាចាប់អារម្មណ៍ជាខ្លាំង។

លោក Banzz គឺជាមនុស្សដំបូងគេដែលបានបង្កើតការញុំាមួយនេះឡើង លោកគឺជាតារាម្នាក់ ឬ គេហៅថា Bj ដែលតែងតែផ្សាយបន្ដផ្ទាល់និយាយលេងជាមួយមហាជនដែលចូលទស្សនាជានិច្ច។ នៅក្នុងឆ្នាំ ២០១៤ លោកមានគំនិតមួយ គឺបានយកអាហារកូរ៉េជាច្រើនមកញុំាបណ្ដើរ និយាយលេងបណ្ដើរនៅក្នុងការផ្សាយបន្ដផ្ទាល់របស់ខ្លួន ដែលសកម្មភាពញុំារបស់លោកបានធ្វើឲ្យមហាជនចាប់អារម្មណ៍ជាខ្លាំង។ 

អ្វីដែលធ្វើឲ្យទាក់ទាញចំណាប់អារម្មណ៍មហាជននោះគឺ ការឃើញម្ហូបជាច្រើនមុខ និងការញុំាដ៏គួរឲ្យឆ្ងាញ់ដែលធ្វើឲ្យអ្នកទស្សនាមានចំណង់បរិភោគអាហារបែបនោះដែរ។ បន្ទាប់ពីនោះ Banzz ទទួលការគាំទ្រជាខ្លាំង​ រហូតបានចូលកម្មវិធីក្នុងទូរទស្សន៍ជាបន្ដបន្ទាប់ ។

ចាប់ពីពេលនោះមក ការធ្វើវិដេអូបែបនេះក៏បានសុះសាយទូទាំងពិភពលោក ព្រោះតែវាគួរឲ្យទាក់ទាញនិងទទួលបានការគាំទ្រយ៉ាងខ្លាំងពីមហាជន និងមានតារាជាច្រើនយកទៅអនុវត្តនតាមជាបន្ដបន្ទាប់មកដល់បច្ចុប្បន្ននេះ៕ 

ប្រភព៖ DICTIONARY.com