អ្នកម្ដាយល្អ! ទោះគេថា អត់ការងារធ្វើ Tiffany Tang បែរជាធ្វើរឿងនេះដើម្បីកូន

October 10, 2022

ចិន៖ កាលពីថ្ងៃទី ៩ ខែតុលាកន្លងទៅនេះ យោងតាម ទំព័រ 163 បានរាយការណ៍ថា តារាសម្ដែងស្រីល្បីឈ្មោះ Tiffany Tang បានបង្ហាញខ្លួន នៅមុខគម្របទស្សនាវដ្តីមួយប្រចាំខែតុលា រួមជាមួយនឹងការផ្ដល់បទសម្ភាសន៍ ដែលបានចែករំលែក អំពីគំនិតចម្រូងចម្រាស នៅពេលដែលមានការលើកឡើងពីភាពខ្ជិល.ក្នុងការងាររបស់នាង ពេលថ្មីៗនេះ។

ក្នុងនោះដែរ តារាស្រីរូបនេះ បានធ្វើឲ្យទស្សនិកជនមានការចាប់អារម្មណ៍ ជាមួយនឹងការពន្យល់ពីមូលហេតុដែលធ្វើឲ្យនាង មានការងារតិចតួច បន្ទាប់ពីរៀបការ ដោយបាននិយាយថា៖

ឆ្លងកាត់ជំ.ងឺរា.តត្បា.តរយៈពេល ៣ ឆ្នាំ បានធ្វើឲ្យខ្ញុំពេញចិត្តនឹងជីវិតកាន់តែខ្លាំង។ បើទោះបីជា ការងារមានសារៈសំខាន់ក៏ដោយ តែខ្ញុំចង់ចំណាយពេល ជាមួយគ្រួសារឲ្យបានច្រើន ។ ខ្ញុំដឹងថាថ្ងៃណាមួយ ខ្ញុំនឹងត្រលប់មកធ្វើការវិញយ៉ាងប្រញាប់ប្រញាល់ ដូច្នេះនឹងមានពេលវេលាតិចតួចណាស់ក្នុងការចំណាយពេលជាមួយកូន។ ប៉ុន្តែនេះជាដំណាក់កាលដ៏សំខាន់បំផុតនៃការអភិវឌ្ឍរបស់កូនខ្ញុំ ខ្ញុំមិនចង់បាត់បង់ពេលនេះទេ
— Tiffany Tang

យោងតាមប្រភពដដែលនេះ ក៏បានបង្ហាញទៀតថា អ្នកគាំទ្ររបស់ Tiffany Tang មានការព្រួយបារម្ភ ព្រោះ បន្ទាប់ពីរៀបការកាលពីឆ្នាំ ២០១៨ រួចមក តារាស្រីរូបនេះ បានកំណត់ការងារសម្ដែងរបស់ខ្លួន ខណៈនៅឆ្នាំបន្ទាប់ នាងមិនមានការងារថ្មីនោះទេ។ ហើយដោយសារតែ មិនមានសកម្មភាពច្រើនបែបនេះ អាចធ្វើឲ្យ ស្ថានភាពរបស់តារាស្រីរូបនេះ ធ្លា.ក់.ចុះបើធៀបនឹងតារាស្រីល្បីៗផ្សេងៗទៀត៕

ប្រភព៖ Zingnews

សូមទស្សនារូបភាពខាងក្រោម៖

ទាក់ទងជាមួយ:

តារាចិន

អានបន្ថែម