មិនខ្វល់ចិត្តអ្នកនៅលីវសោះ Idol! ប្រទះឃើញ Camila និង Shawn កៀកកើយយ៉ាងសម្បើមនៅមាត់សមុទ្រ

បរទេស៖ ជាទូទៅរូបភាពរបស់តារាចម្រៀងស្រី Camila Cabello និងគូស្នេហ៍លោក Shawn Mendes ត្រូវបានគេចែកចាយជារឿយៗ នៅបណ្តាញសង្គម ក្រោមរូបភាពប្លែកៗ ដែលគេប្រមាញ់បាន នៃទិដ្ឋភាពដ៏ផ្អែមល្ហែមរបស់អ្នកទាំងពីរ ដែលចំណាយពេលនៅជាមួយគ្នា។

ជាក់ស្តែង កាលពីថ្មីៗនេះ រូបភាពជាច្រើនសន្លឹក ដែលអ្នកថតរូបប្រមាញ់បាន ថាអ្នកទាំងពីរ បានចំណាយពេលជាច្រើន លើជីវិតឯកជនផ្ទាល់ខ្លួន គូស្នេហ៍ដ៏ល្បីល្បាញ បានទៅឆ្នេរនៅទីក្រុង Miami នៃរដ្ឋ Florida កាលពីថ្ងៃទី ៣ ខែមិថុនានេះ។

ក្នុងនោះផងដែរ ម្ចាស់បទ «Havana» រូបនេះ ពាក់ឈុតប៊ីគីនីពណ៌ខៀវ​ដែលបានបញ្ចេញរាងមិនសំចៃ ដែលមើលទៅរូបនាងបានឡើងគីឡូ ខណៈដែលមិត្តប្រុសរបស់នាង បានស្លៀកខោខ្លី បានចាយរាងមិនស្ទើរ ជាមួយសាច់ដុំ យ៉ាងសង្ហារអស់ទាស់។

ជាមួយគ្នានេះដែរ ដោយតាមសេចក្តីរាយការណ៍បានអោយដឹងថា អ្នកទាំងពីរបានចុះលេងទឹកសមុទ្រយ៉ាងសប្បាយរីករាយដូចគូសង្សារដទៃទៀត មិនត្រឹមតែប៉ុណ្ណោះពួកគេបានអង្គុយ ដេកអោបគ្នានៅមាត់ឆ្នេរមិនសំចៃ ក៏ដូចជាបង្ហាញពីភាពរ៉ូមែនទិក មើលទៅពិតជាក្តីសុខខ្លាំងមែនទែន៕

ប្រភព៖ https://ngoisao.net/

សូមទស្សនារូបភាពខាងក្រោម៖