តាំងពីប្តូរទម្រង់ច្រមុះមកធ្វើម៉េចក៏សម មើល ទេព បូព្រឹក្ស ក្នុងឈុតនេះ ស្អាតហួសថ្លៃង

ភ្នំពេញ៖ មិនត្រឹមតែជាតារាចម្រៀងស្រីដ៏មានប្រជាប្រិយភាព និងមានគាំទ្រពីសំណាក់ទស្សនិកជន តែប៉ុណ្ណោះទេ ប៉ុន្តែ កញ្ញា ទេព បូព្រឹក្ស តែងតែនាំមកនូវ ការបង្ហាញពីស្ទាយ៍តុបតែងខ្លួនដ៏ទាក់ទាញជាច្រើន មិនថាជាស្ទាយ៍បែបសម័យថ្មី ឬបុរាណនោះទេ។     

ជាក់ស្ដែង បើក្រលេកមើលរូបភាពថ្មីៗប៉ុន្មានសន្លឹកដែល ទើបតែបង្ហោះប៉ុន្មាននាទីមុននេះវិញ ទេព បូព្រឹក្ស ពិតជាធ្វើឲ្យហ្វេនៗអ្នកទស្សនាភ្លឹកអស់ហើយ ដោយមកជាមួយនឹងតុបតែងសម្អាងការក្នុងឈុតបែបប្រពៃណីរំលេចរចនាប៉ាក់ដិនយ៉ាងស្រស់ស្អាត ពិតជាប្លែកលេចធ្លោខ្លាំងពិតមែន ជាមួយនឹងការផាត់មុខដ៏ស្រទន់ បូករួមនឹងខ្ទង់ច្រមុះដ៏ទាក់ទាញ ធ្វើឲ្យនាងកាន់តែស្រស់សោភា មើលជ្រុងណាក៏ស្អាត។

ជាមួយគ្នានេះ ក្រោយបានឃើញដូចច្នេះហើយ ទេព​ បូព្រឹក្ស ត្រូវបានហ្វេនៗ ចូលទៅខមិនព្រោងព្រាត សរសើរពីសម្រស់ដ៏ស្រស់លេចធ្លោខ្លាំង បែបនេះ៕

សូមទស្សនារូបភាព​ខាងក្រោម៖