ក្រោយចម្រូងចម្រាស Jimin អតីតមេក្រុម AOA ស្គមនៅតែឆ្អឹ.ង ធ្វើឲ្យគ្រប់គ្នា ព្រួយវិញ
កម្សាន្ត ៖ នៅក្នុងការអាប់បង្ហោះនៅលើInstagram ចុងក្រោយបង្អស់របស់ Jimin អតីតមេដឹកនាំក្រុម AOA ដែលនាងបានបង្ហោះរូបថតពីរសន្លឹករបស់ខ្លួន ដែលមួយគឺរូបពេញមួយតួរខ្លួន និងមួយទៀតគឺចាប់យកពាក់កណ្តាលខ្លួនបង្ហាញមុខដ៏ស្គមស្គាំងរបស់នាង ទាក់ទាញការព្រួបារម្ភពីអ្នកគាំទ្រជាច្រើន។
ទោះជានៅក្នុងការបង្ហោះ ដែលមានរូប emojis រីករាយចំនួន៣ ក៏ដោយ តែជាមួយនឹងរូបថតជិតមុខរបស់ Jimin បង្ហាញពីភាពស្គមស្គាំងនៅតែឆ្អឹងរបស់តារាស្រីរូបនេះ ធ្វើឲ្យអ្នកគាំទ្រដែលបានឃើញការបង្ហោះនេះ ក៏បានបញ្ចេញមតិព្រួយបារម្ភជាច្រើនចង់ឲ្យនាងថែសុខភាព និងសុំឲ្យនាងញ៉ាំអាហារឆ្ងាញ់ៗឲ្យបានច្រើន។
គួររំលឹកផងដែរថាJiminបានដកខ្លួនចេញពីក្រុមកាលពីឆ្នាំមុនដោយសារតែមានភាពចម្រូងចម្រាស លើការសម្លុតធ្វើបាបអតីតមិត្តរួមក្រុម Mina ហើយជាលទ្ធផល នាងក៏បានផ្អាកពីវិស័យសិល្បៈផងដែរ ទោះជាយ៉ាងណាក៏ដោយ ដោយសារការបង្ហោះ Instagram ថ្មីៗរបស់នាងដែលភាគច្រើននៃផ្ទៃខាងក្រោយ ហាក់ដូចជានៅក្នុងស្ទូឌីយោ ធ្វើឲ្យអ្នកគាំទ្រអាចទន្ទឹងរង់ចាំថា នាងអាចនឹងត្រលប់មកឧស្សាហកម្មតន្រ្តីនេះវិញឆាប់៕
សូមទស្សនារូបភាពខាងក្រោម ៖
ប្រភព : Allkpop