រចនា រ៉ាវ៉ាឌី តួឯកស្រីកម្ពុជាដែលកំពុងតែល្បីល្បាញខ្លាំងក្នុងវិស័យសម្តែង

ភ្នំពេញ៖ មួយរយៈពេលនេះ គេសង្កេតឃើញថាវិស័យភាពយន្តក្នុងស្រុកខ្មែរ កំពុងតែមានសន្ទុះអ្នកគាំទ្រ និងទស្សនាកើនឡើងពីសំណាក់ប្រជានជកម្ពុជាមិនចាញ់រឿងភាគថៃ កូរ៉េ និងចិននោះឡើយ។ ជាពិសេសពេលថ្មីៗនេះ រឿងភាគខ្មែរដែលកំពុងតែទទួលបានការគាំទ្រខ្លាំងភាគច្រើនគឺចេញពីផលិតកម្ម Sastra Film ដែលផលិករតែងតែនិពន្ធនិងថតចេញពីជីវិតរស់នៅក្នុងសង្គមពិតៗតែម្តង ហើយក្នុងនោះតួឯកស្រីដែលកំពុងតែលេចធ្លោខ្លាំង និងទទួលបានការកោតសរសើរពីសំណាក់អ្នកទស្សនានោះគឺតារាសម្តែងស្រីស្រករក្រោយ កញ្ញា រ៉ាវ៉ាឌី ដែលនាងជាតួឯកស្រីទើបនឹងរះ តែពោពេញទៅដោយទេពកោសល្យខាងសម្តែង ស្របពេលរូបរាង មុខមាត់ និងពណ៌សម្បុរ ស្រស់ស្អាតទៀតនោះ កាន់តែធ្វើឲ្យនាងទទួលបានការពេញនិយមខ្លាំងក្នុងពេលបច្ចុប្បន្ន។

ជាក់ស្តែងថ្មីៗនេះ ប្រជាប្រិយភាពរបស់នាងកាន់តែហក់ខ្ពស់គួរឲ្យកត់សម្គាល់ ក្រោយពេលដែល រចនា រ៉ាវ៉ាឌី បានចាប់ដៃគូសម្តែងជាមួយនឹងកម្លោះសង្ហា តួឯកប្រុសដែលទើបនឹងរះគឺលោក Prince ព្រីន ដែលអ្នកទាំងពីរកំពុងទទួលបានការកោតសរសើរពីមហាជនថាជាដៃគូសម្តែងដែលមានភាពស័ក្តសម និងសម្តែងបានល្អមែនទែន ដោយមិនថាការចាប់ដៃគូសម្តែងជាប្រភេទរឿងអប់រំ ឬរឿងមនោសញ្ចេតនានោះឡើយ៕

តោះចង់ដឹងថា រចនា វ៉ាឌី តួឯកស្រីល្បីឈ្មោះមានរូបសម្រស់ស្អាតបែបណា យើងមកមើលរូបភាពខាងក្រោមនេះទាំងអស់គ្នា៖